بيووتىننىڭ كەلەشەگى قىزۋ تالقىلاندى

كەشە پارلامەنت سەناتىنىڭ توراعاسى قاسىم-جومارت توقاەۆتىڭ توراعالىق ەتۋىمەن پالاتانىڭ كەزەكتى جالپى وتىرىسى بولدى. وتىرىستى اشا كەلىپ توراعا قوستاناي وبلىسىنان سەنات دەپۋتاتى بولىپ سايلانعان جەڭىس نۇرعاليەۆتى قىزمەتىنە كىرىسۋىمەن قۇتتىقتادى. ج.نۇرعاليەۆ اگرارلىق ماسەلەلەر جانە قورشاعان ورتانى قورعاۋ كوميتەتىنىڭ قۇرامىندا قىزمەت ەتەتىن بولدى. كۇن تارتىبىنە سايكەس سەناتور­لار ءبىرىنشى كەزەكتە “قازاقستان رەس­پۋبليكاسىنىڭ ۇكىمەتى مەن ارمەنيا رەسپۋبليكاسىنىڭ ۇكىمەتى اراسىن­داعى ينۆەستيتسيالاردى كوتەر­مەلەۋ جانە ءوزارا قورعاۋ تۋ­رالى كەلىسىمدى راتيفيكاتسيالاۋ تۋ­رالى” زاڭ جوباسىن قاراپ, قابىل­دادى. وتىرىستا, سونىمەن قاتار, “تۇر­عىن ءۇي قاتىناستارى تۋرالى” قازاقستان رەسپۋبليكاسىنىڭ ز­ا­ڭى­نا وزگەرىستەر مەن تولىقتىرۋلار ەنگىزۋ تۋرالى”, “سىرتقى بارلاۋ تۋرالى” جانە “مادەنيەت تۋرالى” قا­زاقستان رەسپۋبليكاسىنىڭ زا­ڭىنا  وزگەرىستەر مەن تولىقتىرۋلار ەنگىزۋ تۋرالى” زاڭ جوبالارى دا تال­قىلاندى. بىرقاتار تال­قى­لاۋ­لاردان كەيىن زاڭ جوبالارى قابىل­داندى. وسىنداعى سوڭعى ەكى زاڭ جوباسى سەنات پەن ءماجىلىس ارا­سىنداعى كەلىسۋ كوميسسياسىنىڭ ۇسىنىستارى بويىنشا قابىلداندى. سەناتورلار “بيووتىن ءوندىرىسىن جانە اينالىمىن  مەملەكەتتىك رەتتەۋ تۋرالى” جانە “قازاقستان رەس­پۋبليكاسىنىڭ كەيبىر زاڭ­نا­مالىق اكتىلەرىنە بيووتىن ءوندىرىسىن جانە اينالىمىن مەملەكەتتىك رەتتەۋ ماسەلەلەرى بويىنشا وزگەرىس­تەر مەن تولىقتىرۋلار ەنگىزۋ تۋ­رالى” زاڭ جوبالارىن قىزۋ تالقىعا سالدى. سەناتورلار ب.مۇحامەد­جا­نوۆ پەن ع.قاسىموۆ زاڭ جوبالارىن تالقىلاۋ بارىسىندا استىقتى وبلىستاردىڭ بارلىق ونىمدەرى بيووتىن وندىرۋگە ارنالىپ كەتپەسىن دەگەن قاۋىپتى ويلارىن ورتاعا سالدى. تالقىلاۋعا قاتىسقان ق.ايتاحانوۆ, ا.باشماكوۆ جانە ءو.بايگەلدي بيووتىن ءوندىرۋ بۇگىنگى ءومىر تالابى ەكەنىن, بىراق وعان ساپاسى وتە تومەن داقىلدار عانا پايدالانىلاتىنى تۋرالى پىكىرلەرىن ءبىلدىرىپ, زاڭ جوباسىنا قولداۋ ءبىلدىردى. زاڭ جوبالارىن تالقىلاۋ بارىسىندا بيووتىن ءوندىرىسىن دامىتا ءتۇسۋ جانە اينالىمىن مەملەكەتتىك رەتتەۋدىڭ وزەكتى ماسەلەلەرى جان-جاقتى تالقىعا سالىندى. تالقىلاۋ ناتيجەسىندە زاڭ جوبالارى ءبىرىنشى وقىلىمدا ماقۇلدانىپ, ەكىنشى وقىلىمدا قاراۋعا ازىرلەۋ ءۇشىن كوميتەتكە تاپسىرما بەرىلدى. اسقار تۇراپباي ۇلى.