ماڭعىستاۋ وبلىسى اقتاۋ قالاسىندا ءوڭىردىڭ بالىق شارۋاشىلىعىن دامىتۋ ماسەلەلەرى بويىنشا كەزدەسۋ ءوتتى.
كەزدەسۋگە بالىق شارۋاشىلىعىن دامىتۋ جونىندەگى ۋاكىلەتتى ورگاننىڭ, ماڭعىستاۋ وبلىسى اكىمدىگىنىڭ, «اتامەكەن» ۇكپ-نىڭ, «BD - بالىق شارۋاشىلىعى قاۋىمداستىعى» زتب-نىڭ, بالىق شارۋاشىلىعى سۋبەكتىلەرىنىڭ جانە وبلىستا بالىق ءوسىرۋ جونىندەگى جوبالاردى ىسكە اسىرۋعا دايىن ينۆەستورلاردىڭ وكىلى قاتىستى.
قاتىسۋشىلارعا بالىق شارۋاشىلىعىن دامىتۋدىڭ 2021-2030 جىلدارعا ارنالعان باعدارلاماسى تانىستىرىلدى. بعدارلامادا 2030 جىلعا قاراي وسىرىلگەن بالىق كولەمىن جىلىنا 270 مىڭ تونناعا دەيىن, ونىڭ ىشىندە ماڭعىستاۋ وبلىسىندا جىلىنا 100 مىڭ تونناعا دەيىن ۇلعايتۋ كوزدەلگەن.
جالپى, وڭىردە جۇمىس ىستەپ تۇرعان شارۋاشىلىقتاردىڭ قۋاتىن كەڭەيتۋ, تۇقى, بەكىرە, البىرت بالىق تۇرلەرىن ءوسىرۋ ءۇشىن سۋمەن قامتاماسىز ەتۋدىڭ تۇيىق تسيكلى بار 20 تور, 1 توعان, ءبىر شارۋاشىلىق قۇرۋ جوسپارلانىپ وتىر.
كەزدەسۋ بارىسىندا بالىق شارۋاشىلىعى كوميتەتىنىڭ توراعاسى ن.ت.ءجۇنىسوۆ قاتىسۋشىلاردى بالىق شارۋاشىلىعىن مەملەكەتتىك قولداۋ شارالارى, ونىڭ ىشىندە بالىق وسىرۋمەن اينالىساتىن سۋبەكتىلەر ءۇشىن جاسالعان جاعداي, سۋبسيديالاۋ جانە زاڭنامانى جەتىلدىرۋ شارالارى تۋرالى حاباردار ەتتى.
سونىمەن قاتار, ەكولوگيا, گەولوگيا جانە تابيعي رەسۋرستار ءمينيسترى م.م.مىرزاعاليەۆ تۇيىقتالعان سۋمەن قامتاماسىز ەتۋ قوندىرعىسىن پايدالاناتىن, «Kazakh osseter» جشس بالىق ءوسىرۋ شارۋاشىلىعىنىڭ جۇمىسىمەن, سونداي-اق بەكىرە جانە اقسەركە ءوسىرۋ جوبالارىمەن تانىستى.
