بۇل تۋرالى ءتارتىپ ساقشىلارى “ZOOM” بەينەپلاتفورماسى ارقىلى وتكەن مەديتسينالىق مەكەمەلەردىڭ ارنايى جينالىسى كەزىندە حابارلادى.
«تۇراقتى نەگىزدە ينتەرنەت-رەسۋرستارعا جانە بۇقارالىق اقپارات قۇرالدارىنا مونيتورينگ جۇرگىزىلىپ, مەديتسينالىق انىقتامالاردى قولدان جاساۋ فاكتىلەرىن انىقتاۋ بويىنشا جەدەل شارالار قابىلدانىپ وتىر. ەسكە سالايىق, جاقىندا ازاماتتاردى ساۋد اراۆيا كورولدىگىنە جىبەرۋ ءۇشىن 140-تان استام جالعان ۆاكتسيناتسيا تولقۇجاتىن جاساۋمەن اينالىسقان تۋريستىك كومپانيا انىقتالدى. سونىمەن قاتار, تەرگەۋ ساتىسىندا №21, №4, №16 جانە №13 قالالىق ەمحانالاردىڭ جالپى تاجىريبەلىك دارىگەرلەرىنە قاتىستى قىلمىستىق ىستەر قارالىپ جاتىر. ولار كىرگەن ازاماتتارعا ۆاكتسيناتسيانى سالماي-اق, دوزانىڭ ءبىرىنشى كومپونەنتىن قابىلداۋ تۋرالى جالعان دەرەكتەردى بازاعا ەنگىزگەن نەمەسە ۆاكتسيناتسيا بولمەسىندە بەينەباقىلاۋ كامەراسى بولسا, ولار ەكپەنى العانداي ەتىپ كورسەتىپ ەكپە سالىنعان ورىندى پلاستىرمەن جابىستىرعان. بۇل قىزمەتتەردىڭ بارلىعى اقشالاي سىياقى ءۇشىن ۇسىنىلعاندىعى انىق», دەدى ءوز سوزىندە الماتى قالالىق پوليتسيا دەپارتامەنتى باستىعىنىڭ ءبىرىنشى ورىنباسارى نۇرلان الماسبەكوۆ.
سونىمەن قاتار, سپيكەر جالعان قۇجات جاساعانى ءۇشىن قىلمىستىق جاۋاپكەرشىلىك 4 جىلعا دەيىن باس بوستاندىعىنان ايىرۋ تۇرىندە ەكەندىگىن, ال ونى قولدانعانى ءۇشىن 40 تاۋلىككە قاماۋعا الۋ تۇرىندە قاراستىرىلعانىن ەسكە ءتۇسىردى. سونداي-اق, جوعارىدا اتالعان ازاماتتاردىڭ ارەكەتتەرىندە «قىزمەتتىك جالعاندىق» بەلگىلەرى بار, ياعني, جالعان اقپاراتتى رەسمي قۇجاتتارعا ەنگىزۋ.
