ماڭعىستاۋ وبلىسىنىڭ اكىمى سەرىكباي ترۇموۆ قاۋىپتى ىندەت - كوروناۆيرۋس پەن پنەۆمونيانىڭ كۇن سايىن ءوسىپ بارا جاتقانىنا الاڭداپ, ءوڭىر تۇرعىندارىن كارانتين تالاپتارىن قاتاڭ ساقتانۋعا شاقىردى. «بۇگىنگىدەي ەلىمىز ءۇشىن اسا قاۋىپتى بولىپ وتىرعان سىن ساتتە سىزدەرگە ارنايى ءۇن قاتىپ وتىرمىن. جاعداي وتە كۇردەلى. تۇرعىندار اراسىندا ناۋقاستاردىڭ سانى ارتىپ, اۋرۋحانالارعا ءتۇسىپ جاتقاندار وتە كوپ. سوڭعى تاۋلىكتە وڭىردە قاۋىپتى ىندەتتى جۇقتىرعاندار سانى 208-گە جەتتى»,دەدى س. ترۇموۆ.
وبلىستاعى اۋرۋحانالارعا ءبىر كۇننىڭ ىشىندە 72 ناۋقاس ءتۇسىپ وتىر. سوڭعى مالىمەتتەرگە سايكەس, بۇگىندە ءدال وسى دياگنوزبەن 506 ادام ەم قابىلداۋدا. ولاردىڭ 31 اۋىر, 12 وتە اۋىر حالدە جاتىر. اۋرۋحانالارىمىز تولۋعا جاقىن. وكىنىشكە قاراي بۇل كوروناۆيرۋستان كوز جۇمعاندار سانى دا كوبەيىپ بارادى. شىلدە ايى باستالعالى ەكى اپتا ىشىندە 34 ادام قايتىس بولدى.
«جاعدايدىڭ كۇردەلىلىگىن ەسكەرە وتىرىپ, بارشاڭىزدى سانيتارلىق تالاپتاردى قاتاڭ ساقتاۋعا شاقىرامىن. بىلتىردان بەرى جۇزدەگەن جاندى جالماعان ىندەتتىڭ بەتىن قايتارۋعا بىرلەسە اتسالىسپاساق, دارىگەرلەردىڭ كومەگىمەن اۋىزدىقتاۋ مۇمكىن بولماي وتىر. ەلدىڭ, جاقىندارىڭىزدىڭ اماندىعى ءۇشىن توي, ساداقا جاساۋدى, كوپشىلىكتى جيناۋدى ۋاقىتشا توقتاتۋلارىڭىزدى سۇرايمىن. ءاربىر ادام جاۋاپكەرشىلىكتى تەرەڭ سەزىنبەيىنشە, قاۋىپ سەيىلمەيدى», دەدى اكىم ءوز ۇندەۋىندە.
