ء«بىز ىندەتتەن 100 پايىز قورعاۋ تۋرالى ايتىپ وتىرعان جوقپىز. ۆاكتسينا العان ازامات كوروناۆيرۋسقا شالدىققاننىڭ وزىندە, كۇرەسۋ جەڭىلگە سوعادى جانە ولار اۋرۋحاناعا جاتقىزىلمايدى. پاتسيەنت اۋرۋحاناعا جاتقىزىلعاننىڭ وزىندە سىرقاتتى جەڭىل كوتەرەدى, رەانيماتسياعا جاتقىزىلمايدى جانە ءوجا (وكپەنى جاساندى جەلدەتۋ اپپاراتى) كومەگى قاجەت ەتپەيدى. ىندەنتكە شالدىعۋدىڭ سيمپتومسىز بەلگىسىنە كەلسەك, وتكەن جىلى ەلىمىزدە كوروناۆيرۋس ەتەك جايا باستاعاندا سيمپتومسىز اۋىرعاندار 80 پايىزدى, ال سيمپتوممەن 20 پايىزدى قۇرادى. ۆيرۋس مۋتاتسيالانىپ جانە بريتاندىق شتامم پايدا بولعاننان كەيىن سيمپتومدىق بەلگىلەرمەن اۋىرعانداردىڭ سانى ارتتى. ياعني 60/40-تى قۇرادى. قازىر دەلتا-شتامىنىڭ تاراۋىنا بايلانىستى جاعداي مۇلدەم وزگەرىپ وتىر. بۇگىندە اتالعان ىندەتكە سيمپتومسىز شالدىعاندار ايتارلىقتاي از», دەدى ايجان ەسماعامبەتوۆا وكق-دە وتكەن ءباسپاسوز ءماسليحاتىندا.
ونىڭ ايتۋىنشا, بۇگىندە كوروناۆيرۋس جۇقتىرۋشىلاردىڭ 80 پايىزى سيمپتومدى جانە 20 پايىزى سيمپتومسىز كورسەتكىشتى قۇرايدى.
«جوعارىدا ايتىلعان ستاتيستيكا ۆيرۋستىڭ مۋتاتسيالانىپ, ودان ءارى تارالىپ جاتقانىن كورسەتىپ وتىر. ياعني ءبىز ۇجىمدىق يممۋنيتەتتىڭ قالىپتاستىرمايىنشا كوروناۆيرۋس تارالا بەرەدى. ودان ساقتانۋ ءوز قولىمىزدا», دەيدى ول.
