2013 جىلعى 17 قىركۇيەك, استانا قالاسى
كىرمە جولدارمەن ءجۇرۋ قاۋiپسiزدiگى تالاپتارىنىڭ ساقتالۋىن تەكسەرۋ,
سونداي-اق جەكە جانە زاڭدى تۇلعالاردىڭ باگاجدى, جۇكتەر مەن جۇك-باگاجدى تيەۋ, ءتۇسىرۋ (بوساتۋ) جونىندەگى قىزمەتتى جۇزەگە اسىرۋى كەزىندە تاسىمالداۋشى مەن ۇلتتىق ينفراقۇرىلىم وپەراتورىنىڭ قاتىسۋ قاعيدالارىن بەكىتۋ تۋرالى
«تەمىرجول كولىگى تۋرالى» 2001 جىلعى 8 جەلتوقسانداعى قازاقستان رەسپۋبليكاسى زاڭىنىڭ 32-بابى 3-تارماعىنا سايكەس بۇيىرامىن:
1. قوسا بەرىلىپ وتىرعان كىرمە جولدارمەن ءجۇرۋ قاۋiپسiزدiگى تالاپتارىنىڭ ساقتالۋىن تەكسەرۋ, سونداي-اق جەكە جانە زاڭدى تۇلعالاردىڭ باگاجدى, جۇكتەر مەن جۇك-باگاجدى تيەۋ, ءتۇسىرۋ (بوساتۋ) جونىندەگى قىزمەتتى جۇزەگە اسىرۋى كەزىندە تاسىمالداۋشى مەن ۇلتتىق ينفراقۇرىلىم وپەراتورىنىڭ قاتىسۋ قاعيدالارى بەكىتىلسىن.
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ كولىكتىك باقىلاۋ كوميتەتى (ق.ب. ءابساتتاروۆ):
1) وسى بۇيرىقتى بەلگىلەنگەن زاڭنامالىق تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن كەيىن بۇقارالىق اقپارات قۇرالدارىندا رەسمي جاريالاۋدى, ونىڭ ىشىندە قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
3) قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ زاڭ دەپارتامەنتىنە وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىنەن كەيىن 5 جۇمىس كۇنى ىشىندە مەملەكەتتىك تىركەۋ تۋرالى جانە بۇقارالىق اقپارات قۇرالدارىندا جاريالاۋعا جىبەرۋ تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ا.ع. بەكتۇروۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەننەن كەيىن قولدانىسقا ەنگىزىلەدى.
مينيستر ا.جۇماعاليەۆ.
قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ
2013 جىلعى 17 قىركۇيەكتەگى №721 بۇيرىعىمەن بەكىتىلگەن
كىرمە جولدارمەن ءجۇرۋ قاۋiپسiزدiگى تالاپتارىنىڭ ساقتالۋىن تەكسەرۋ, سونداي-اق جەكە جانە زاڭدى تۇلعالاردىڭ باگاجدى, جۇكتەر مەن جۇك-باگاجدى تيەۋ, ءتۇسىرۋ (بوساتۋ) جونىندەگى قىزمەتتى جۇزەگە اسىرۋى كەزىندە تاسىمالداۋشى مەن ۇلتتىق ينفراقۇرىلىم وپەراتورىنىڭ قاتىسۋ قاعيدالارى
1. جالپى ەرەجەلەر
1. وسى كىرمە جولدارمەن ءجۇرۋ قاۋiپسiزدiگى تالاپتارىنىڭ ساقتالۋىن تەكسەرۋ, سونداي-اق جەكە جانە زاڭدى تۇلعالاردىڭ باگاجدى, جۇكتەر مەن جۇك-باگاجدى تيەۋ, ءتۇسىرۋ (بوساتۋ) جونىندەگى قىزمەتتى جۇزەگە اسىرۋى كەزىندە تاسىمالداۋشى مەن ۇلتتىق ينفراقۇرىلىم وپەراتورىنىڭ قاتىسۋ قاعيدالارى (بۇدان ءارى – قاعيدالار) «تەمىر جول كولىگى تۋرالى» 2001 جىلعى 8 جەلتوقسانداعى قازاقستان رەسپۋبليكاسى زاڭىنىڭ (بۇدان ءارى – زاڭ) 32-بابىنىڭ 3-تارماعىنا سايكەس ازىرلەندى.
2. قاعيدالار كىرمە جولدارمەن ءجۇرۋ قاۋiپسiزدiگى تالاپتارىنىڭ ساقتالۋىن تەكسەرۋ, سونداي-اق جەكە جانە زاڭدى تۇلعالاردىڭ باگاجدى, جۇكتەر مەن جۇك-باگاجدى تيەۋ, ءتۇسىرۋ (بوساتۋ) (بۇدان ءارى – تيەۋ جانە ءتۇسىرۋ) جونىندەگى قىزمەتتى جۇزەگە اسىرۋى كەزىندە تاسىمالداۋشى مەن ۇلتتىق ينفراقۇرىلىم وپەراتورىنىڭ قاتىسۋ ءتارتىبىن ۋاكىلەتتى ورگانمەن بەلگىلەنگەن.
3. ۋاكىلەتتى ورگانمەن كىرمە جولدارمەن ءجۇرۋ قاۋىپسىزدىگى تالاپتارىنىڭ ساقتالۋىنا تەكسەرۋ تەكسەرىلەتىن سۋبەكتىلەردىڭ قىزمەتىنە قويىلاتىن تالاپتارعا سايكەس جۇرگىزىلەدى, قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىمەن, ال قازاقستان رەسپۋبليكاسىنىڭ زاڭدارىندا كوزدەلگەن جاعدايلاردا, تەك قانا قازاقستان رەسپۋبليكاسىنىڭ زاڭدارىمەن, قازاقستان رەسپۋبليكاسى پرەزيدەنتىنىڭ جارلىقتارىمەن جانە قازاقستان رەسپۋبليكاسى ۇكىمەتىنىڭ قاۋلىلارىمەن بەلگىلەنەدى.
4. ۋاكىلەتتى ورگان كىرمە جولدارمەن ءجۇرۋ قاۋiپسiزدiگى تالاپتارىنىڭ ساقتالۋىن تەكسەرۋدى تاسىمالداۋشى مەن ۇلتتىق ينفراقۇرىلىم وپەراتورىنىڭ قاتىسۋىنسىز جۇرگىزگەن جاعدايدا, وسى قاعيدالاردىڭ تالاپتارى قولدانىلمايدى.
2. تەكسەرۋدى جۇرگىزۋدەگى تاسىمالداۋشى مەن
ۇلتتىق ينفراقۇرىلىم وپەراتورىنىڭ قاتىسۋ ءتارتىبى
5. كىرمە جولدارمەن ءجۇرۋ قاۋiپسiزدiگى تالاپتارىنىڭ ساقتالۋىن تەكسەرۋ ۋاكىلەتتى ورگاننىڭ جارتىجىلدىق جوسپارىنا سايكەس جۇرگىزىلەدى.
6. ۋاكىلەتتى ورگان العا قويىلعان مىندەتتەردى ىسكە اسىرۋ ءۇشىن ۋاكىلەتتى ورگاننىڭ قۇزىرەتىنە جاتقىزىلعان ماسەلەلەر بويىنشا جۇرگىزىلەتىن تەكسەرىستەرگە, ونىڭ ىشىندە كىرمە جولداردى كۇتىپ-ۇستاۋعا جانە باگاجدى, جۇكتەر مەن جۇك-باگاجدى تيەۋ, تۇسىرۋگە (بوساتۋ) قاتىسۋ ءۇشىن ءتيىستى مامانداردى تاسىمالداۋشى مەن ۇلتتىق ينفراقۇرىلىم وپەراتورىن تارتا الادى.
بۇل رەتتە, تاسىمالداۋشى مەن ۇلتتىق ينفراقۇرىلىم وپەراتورىنىڭ ماماندارىن تەكسەرىسكە قاتىستىرۋ ءۇشىن وسى تۋرالى ۋاكىلەتتى ورگان تەكسەرىس باستالعانعا دەيىن ءبىر جۇمىس كۇنىنەن كەشىكتىرمەي جازباشا تۇردە حابارلايدى.
ءوز كەزەگىندە تاسىمالداۋشى مەن ۇلتتىق ينفراقۇرىلىم وپەراتورى حابارلامانى العان ساتتەن باستاپ حاتتا كورسەتىلگەن مەرزىمگە مامانداردى تەكسەرىسكە قاتىسۋ ءۇشىن جىبەرەدى.
7. كىرمە جولدارعا تەكسەرۋدى جۇرگىزۋ كەزىندە تاسىمالداۋشى مەن ۇلتتىق ينفراقۇرىلىم وپەراتورى ماماندارىنىڭ قاتىسۋىمەن ۋاكىلەتتى ورگان ولاردى قۇقىقتىق ستاتيستيكا جانە ارنايى ەسەپكە الۋ جونىندەگى ۋاكىلەتتى ورگاندا تىركەلەتىن تەكسەرۋدى تاعايىنداۋ تۋرالى اكتىگە قوسادى.
8. تەكسەرۋ قورىتىندىسى بويىنشا جولداردى كۇتىپ-ۇستاۋدا قوزعالىس قاۋىپسىزدىگىنە قاۋىپ توندىرەتىن اقاۋلار تاپقاندا جانە جىلجىمالى قۇرامنىڭ, كونتەينەرلەردiڭ جانە جۇكتەردiڭ ساقتالۋىن قامتاماسىز ەتپەگەنى انىقتالعان جاعدايدا تاسىمالداۋشى مەن ۇلتتىق ينفراقۇرىلىم وپەراتورىنىڭ ماماندارى انىقتامانى (قورىتىندى) ازىرلەيدى.
9. ۋاكىلەتتى ورگان كىرمە جولدى تەكسەرۋ قورىتىندىسى بويىنشا تاسىمالداۋشى مەن ۇلتتىق ينفراقۇرىلىم وپەراتورىنىڭ ماماندارىنىڭ ازىرلەنگەن انىقتاماسىندا (قورىتىندى) بەرىلگەن فاكتىلەردى ەسەپكە الا وتىرىپ قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ مىندەتىن اتقارۋشىنىڭ 2006 جىلعى 13 شىلدەدەگى «تەكسەرۋ جۇرگىزۋگە, جۇرگىزىلگەن تەكسەرۋ ناتيجەلەرىن رەسىمدەۋگە ارنالعان اكتىلەردىڭ, ءجۇرۋ قاۋىپسىزدىگىن بۇزۋشىلىق جاعدايلارىن ەسەپكە الۋ جونىندەگى قاجەتتى ەسەپ قۇجاتتارىنىڭ, انىقتالعان بۇزۋشىلىقتاردى جويۋعا نۇسقامالاردىڭ نىساندارىن بەكىتۋ تۋرالى» (نورماتيۆتىك قۇقىقتىق اكتىلەردى مەملەكەتتىك تىركەۋ تىزىمىندە №4317 تىركەلگەن) №175 بۇيرىعىمەن (بۇدان ءارى - №175 بۇيرىق) بەكىتىلگەن نىسانعا سايكەس تەكسەرۋ اكتىسىن ازىرلەيدى.
تەكسەرۋ ناتيجەلەرى بويىنشا بۇزۋشىلىقتار انىقتالعان جاعدايدا ۋاكىلەتتى ورگان №175 بۇيرىققا سايكەس بەلگىلەنگەن نىسان بويىنشا انىقتالعان بۇزۋشىلىقتاردى جويۋ تۋرالى نۇسقامانى ەنگىزەدى, سونداي-اق قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى زاڭناماسىنا سايكەس اكىمشىلىك قۇقىق بۇزۋشىلىقتاردى قاراستىرادى.
10. تەكسەرۋدىڭ ناتيجەلەرى بويىنشا ەسكەرتۋلەر جانە (نەمەسە) قارسىلىقتار بولعان جاعدايدا تارماق يەلەنۋشى ولاردى جازباشا تۇردە جازادى.
ەسكەرتۋلەر جانە (نەمەسە) قارسىلىقتار تەكسەرۋ اكتىسىنە قوسا بەرىلەدى, ول تۋرالى ءتيىستى بەلگى جاسالادى.
11. تارماق يەلەنۋشى كورسەتىلگەن اكتىنىڭ نەگىزىندە كىرمە جولدار قىزمەتتەرىن كورسەتۋدى توقتاتادى.
12. تەكسەرۋدى جۇزەگە اسىرۋ كەزiندە تەكسەرىلەتىن سۋبەكتiلەردiڭ قۇقىقتارى مەن زاڭدى مۇددەلەرi بۇزىلعان جاعدايدا تەكسەرىلەتىن سۋبەكتi مەملەكەتتىك كولىكتىك باقىلاۋ ورگانى, تاسىمالداۋشى نەمەسە ۇلتتىق ينفراقۇرىلىم وپەراتورىنىڭ iس-ارەكەتiنە (ارەكەتسiزدiگiنە) قازاقستان رەسپۋبليكاسىنىڭ زاڭناماسىندا بەلگiلەنگەن تارتىپپەن سوتقا شاعىمدانا الادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 18 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8825 بولىپ ەنگىزىلدى.
