2013 جىلعى 23 جەلتوقسان, استانا قالاسى
2014 جىلعى 1 توقسانعا ارنالعان كەدەيلىك شەگىن انىقتاۋ تۋرالى
قازاقستان رەسپۋبليكاسى ۇكىمەتىنىڭ 2000 جىلعى 8 ساۋىردەگى № 537 قاۋلىسىمەن بەكىتىلگەن كەدەيلىك شەگىن انىقتاۋ ەرەجەسىنىڭ 4-تارماعىنا سايكەس اتاۋلى الەۋمەتتىك كومەكتىڭ مولشەرىن انىقتاۋ ءۇشىن قازاقستان رەسپۋبليكاسىنىڭ كۇنكورىسى تومەن ازاماتتارىنا الەۋمەتتىك كومەك كورسەتۋ ولشەمدەرىن بەلگىلەۋ ماقساتىندا بۇيىرامىن:
1. قازاقستان رەسپۋبليكاسى بويىنشا 2014 جىلعى 1 توقسانعا ارنالعان كەدەيلىك شەگى قازاقستان رەسپۋبليكاسىنىڭ ستاتيستيكا اگەنتتىگى وتكەن توقسانعا ەسەپتەگەن ەڭ تومەنگى كۇنكورىس دەڭگەيىنىڭ 40 پايىزى مولشەرىندە انىقتالسىن.
2. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ «2013 جىلعى 4 توقسانعا ارنالعان كەدەيلىك شەگىن انىقتاۋ تۋرالى» 2013 جىلعى 26 قىركۇيەكتەگى № 462-ءو-م بۇيرىعىنىڭ (نورماتيۆتىك قۇقىقتىق اكتىلەردى تىركەۋدىڭ مەملەكەتتىك تىزىلىمىندە № 8772 تىركەلگەن جانە 2013 جىلعى 9 قازانداعى «كازاحستانسكايا پراۆدا» № 291 (27565), 2013 جىلعى 12 قازانداعى «ەگەمەن قازاقستان» № 232 (28171) گازەتتەرىندە جاريالانعان) كۇشى جويىلعان دەپ تانىلسىن.
3. الەۋمەتتىك كومەك دەپارتامەنتى (ا.و. تابەرگەنوۆا) وسى بۇيرىقتىڭ:
1) زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە رەسمي جاريالانۋىن;
2) وبلىستىق, استانا جانە الماتى قالالارىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا جەتكىزۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى س. ق. جاقىپوۆاعا جۇكتەلسىن.
5. وسى بۇيرىق العاشقى رەسمي جاريالانعان كۇنىنەن باستاپ كۇشiنە ەنەدi جانە 2014 جىلعى 1 قاڭتاردان باستاپ تۋىنداعان قاتىناستارعا قولدانىلادى.
مينيستر ت.دۇيسەنوۆا.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 30 جەلتوقساندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9041 بولىپ ەنگىزىلدى.
