ءمينيستردىڭ ايتۋىنشا, يمانبەك اينالىسىپ جۇرگەن ساۋند-ديزايندى ساناۋلى عانا كونسەرۆاتوريا مەن ۋنيۆەرسيتەت ۇيرەتەدى.
«بۇل سالىستىرمالى تۇردە جاڭا سالا. وندا ءسىز تالانتسىز جانە ەڭبەكسىز ەشتەڭەگە قول جەتكىزە المايسىز. ارىپتەستەرىم, اكادەميالىق مۋزىكانتتار اراسىندا, يمانبەك جاساعان رەميكستىڭ تانىمال بولۋ سەبەبى تۋرالى قىزۋ پىكىرتالاس بولدى. ءيا, ونىڭ نۇسقاسى تۇپنۇسقاعا قاراعاندا تەز, بىراق ماسەلە مۇندا ەمەس. ول بي ىرعاعىن وتە نازىك جانە بيىك تالعاممەن تاڭداپ, ءاننىڭ تەمبر پاليتراسىن تولىعىمەن وزگەرتتى جانە قۇلاققا جاعىمدى ەلەكتروندى ەففەكتىلەر قوستى. بۇل «اۋىلدان شىققان جىگىتتىڭ» جەتىستىگى, ارينە, كەزدەيسوق ەمەس جانە ۇلگى تۇتارلىق», دەدى مينيستر.
سونىمەن قاتار اقتوتى رايىمقۇلوۆا قازىرگى مەديا كەڭىستىگىنىڭ وتە تەز وزگەرەتىنىن ايتىپ, وعان بەيىمدەلۋ ءۇشىن يمانبەك سياقتى جاستاردان ۇلگى الۋ كەرەكتىگىن ايتتى.
