2013 جىلعى 20 جەلتوقسان, استانا, ۇكىمەت ءۇيى
«اۆتوموبيل كولىگىمەن قاۋىپتى جۇكتەردى تاسىمالداۋ جونىندەگى كەيبىر ماسەلەلەر تۋرالى» قازاقستان رەسپۋبليكاسى ۇكىمەتىنىڭ 2004 جىلعى 12 ناۋرىزداعى № 316 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «اۆتوموبيل كولىگىمەن قاۋىپتى جۇكتەردى تاسىمالداۋ جونىندەگى كەيبىر ماسەلەلەر تۋرالى» قازاقستان رەسپۋبليكاسى ۇكىمەتىنىڭ 2004 جىلعى 12 ناۋرىزداعى № 316 قاۋلىسىنا (قازاقستان رەسپۋبليكاسىنىڭ ءپۇاج-ى, 2004 ج., № 14, 176-كۇجات) مىناداي وزگەرىستەر مەن تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن اۆتوموبيل كولىگىمەن قاۋىپتى جۇكتەردى تاسىمالداۋ قاعيدالارىندا:
6-تارماق مىناداي رەداكتسيادا جازىلسىن:
«6. قازاقستان رەسپۋبليكاسىنىڭ اۋماعى بويىنشا 1, 6 جانە 7-كلاستى قاۋىپتى جۇكتى تاسىمالداۋ رۇقسات بەرۋ قۇجاتى – قازاقستان رەسپۋبليكاسىنىڭ اۋماعى بويششا قاۋىپتى جۇكتى تاسىمالداۋعا ارنالعان ارنايى رۇقسات نەگىزىندە, ارنايى بەيىمدەلگەن اۆتوموبيلمەن نەمەسە وسى ماقساتتار ءۇشىن ارنايى قايتا جابدىقتالعان باسقا دا اۆتوكولىك قۇرالدارىمەن جۇزەگە اسىرىلادى.»;
7-تارماق الىنىپ تاستالسىن;
11-تارماقتىڭ 1) تارماقشاسى مىناداي رەداكتسيادا جازىلسىن:
«1) ءاربىر اۆتوكولىك قۇرالىنا اقپاراتتىق تابلو;»;
25-تارماقتىڭ 7) تارماقشاسى مىناداي رەداكتسيادا جازىلسىن:
«7) جول قوزعالىسى قاعيدالارىنا جانە قاۋىپتى جۇكتەردى حالىقارالىق جولداردا تاسىمالداۋ تۋرالى ەۋروپالىق كەلىسىمگە (قجحجت) سايكەس تانۋ بەلگىلەرىمەن جابدىقتاۋ;»;
40-تارماق مىناداي رەداكتسيادا جازىلسىن:
«40. قاۋىپتى جۇكتەردى تاسىمالداۋعا قاتىسۋشىلار ادامداردىڭ دەنساۋلىعى مەن ومىرىنە, قورشاعان ورتاعا زيان كەلتىرۋدى بولدىرماۋ ماقساتىندا قاۋىپسىزدىكتى قامتاماسىز ەتۋ جونىندەگى ءتيىستى ۇيىمداستىرۋ جانە تەحنيكالىق شارالار قابىلدايدى.
قاۋىپتى جۇكتەردى جونەلتۋشىلەردىڭ جانە (نەمەسە) تاسىمالداۋشىلاردىڭ نەگىزگى نەمەسە قوسىمشا قىزمەتى قاۋىپتى جۇكتەردى تاسىمالداۋدى نەمەسە ونىمەن بايلانىستى تيەۋ-ءتۇسىرۋ وپەراتسيالارىن قامتىسا, ءوز قۇرامىندا تاسىمالداۋ پروتسەسىنىڭ قاۋىپسىزدىگىنە جاۋاپتى قىزمەتكەرلەرى بولادى.
قاۋىپتى جۇكتەردى تاسىمالداۋ ءۇشىن بارلىق قولدانىستاعى مارشرۋتتاردان ادامداردىڭ دەنساۋلىعى مەن ومىرىنە, قورشاعان ورتاعا زيان كەلتىرۋدى بولدىرماۋ ماقساتىندا تاسىمالداۋشى قاۋىپتىلىگى مەيلىنشە تومەن مارشرۋتتى تاڭدايدى.».
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
