ەلباسىنىڭ حالىقارالىق ارەناداعى قىزمەتىنە جوعارى باعا بەرىلىپ, قۇرلىقتاعى ىنتىماقتاستىقتى, تۇراقتىلىق پەن قاۋىپسىزدىكتى نىعايتۋعا قوسقان ۇلەسى شەتەل مەملەكەتتەرى مەن ۇكىمەتتەرى باسشىلارىنىڭ جەدەلحاتتارىندا اتاپ كورسەتىلگەن. مۇنداي جەدەلحاتتار رەسەي فەدەراتسياسىنىڭ پرەزيدەنتى ۆلاديمير پۋتيننەن, قىتاي حالىق رەسپۋبليكاسىنىڭ توراعاسى سي تسزينپيننەن, تۇركيا رەسپۋبليكاسىنىڭ پرەزيدەنتى رەجەپ ەردوعاننان, وزبەكستان رەسپۋبليكاسىنىڭ پرەزيدەنتى شاۆكات ميرزيوەۆتەن, تاجىكستان رەسپۋبليكاسىنىڭ پرەزيدەنتى ەمومالي راحموننان, بەلارۋس رەسپۋبليكاسىنىڭ پرەزيدەنتى الەكساندر لۋكاشەنكودان, قىرعىز رەسپۋبليكاسىنىڭ پرەزيدەنتى سادىر جاپاروۆتان, ازەربايجان رەسپۋبليكاسىنىڭ پرەزيدەنتى يلحام اليەۆتەن, ارمەنيا رەسپۋبليكاسىنىڭ پرەزيدەنتى ارمەن ساركيسياننان, تۇرىكمەنستان پرەزيدەنتى گۋربانگۋلى بەردىمۇحامەدوۆتەن, ۋكراينا پرەزيدەنتى ۆلاديمير زەلەنسكيدەن, سەربيا پرەزيدەنتى الەكساندر ۆۋچيچتەن, حورۆاتيا پرەزيدەنتى زوران ميلانوۆيچتەن, كورەيا رەسپۋبليكاسىنىڭ پرەزيدەنتى مۋن چجە يننەن, رەسەي فەدەراتسياسى ۇكىمەتىنىڭ توراعاسى ميحايل ميشۋستيننەن, ارمەنيا پرەمەر-ءمينيسترى ن.پاشينياننان جانە باسقالارىنان كەلدى.
شەتەل مەملەكەتتەرى مەن ۇكىمەتتەرىنىڭ باسشىلارى نۇرسۇلتان نازارباەۆتى تۋعان كۇنىمەن قۇتتىقتاپ, ونىڭ قازاقستان ەلورداسى مەن تۇتاس ەلدىڭ قارقىندى دامۋىنداعى باعا جەتپەس ءرولىن اتاپ ءوتتى.
سونداي-اق حالىقارالىق جانە شەتەلدىك ۇيىمدار مەن قۇرىلىمداردىڭ وكىلدەرى, سونىڭ ىشىندە ەۋرازيالىق ەكونوميكالىق كوميسسيا القاسىنىڭ توراعاسى م.مياسنيكوۆيچ, ۇجىمدىق قاۋىپسىزدىك تۋرالى شارت ۇيىمىنىڭ باس حاتشىسى س.زاس, تۇركى كەڭەسىنىڭ باس حاتشىسى ب.امىرەەۆ, تۇركپا باس حاتشىسى ا.مامايۋسۋپوۆ, تۇركسوي باس حاتشىسى د.قاسەيىنوۆ, تاۋەلسىز مەملەكەتتەر دوستاستىعى اتقارۋشى كوميتەتىنىڭ توراعاسى – اتقارۋشى حاتشىسى س.لەبەدەۆ, تۇركى مادەنيەتى جانە مۇراسى قورىنىڭ پرەزيدەنتى گ.ەفەنديەۆا, مەملەكەتارالىق اۆياتسيا كوميتەتىنىڭ توراعاسى ت.انودينا جانە باسقالارى وزدەرىنىڭ جىلى لەبىزدەرىن جەتكىزدى. ەلباسىنىڭ اتىنا جولداعان حاتىندا شانحاي ىنتىماقتاستىق ۇيىمىنىڭ باس حاتشىسى ۆ.نوروۆ: ء«سىزدىڭ يدەيالارىڭىز بەن باستامالارىڭىز تەرەڭ زەرتتەۋلەردىڭ تاقىرىبىنا اينالدى. قازاقستاندا قۇرىلعان قوعامدىق بەيبىتشىلىك پەن كەلىسىم ۇلگىسىنىڭ بىرەگەيلىگى بۇكىل الەمگە تانىلدى, ول «قازاقستان جولى» نەمەسە «نازارباەۆ مودەلى» دەگەن اتقا يە بولدى. بۇل تاجىريبە ساياساتكەرلەردىڭ, عالىمداردىڭ, جەتەكشى ساراپشىلار مەن بۇقارالىق اقپارات قۇرالدارىنىڭ ۇلكەن قىزىعۋشىلىعىن تۋدىردى», دەپ جازدى.
رەسەي فەدەراتسياسىنىڭ, وزگە دە الىس-جاقىن شەتەلدەردىڭ مەملەكەت جانە قوعام قايراتكەرلەرىنەن جىلى لەبىزدەر جازىلعان كوپتەگەن حات كەلىپ ءتۇستى. ينگۋشەتيا رەسپۋبليكاسىنىڭ پرەزيدەنتى م.كاليماتوۆ, باشقۇرتستان رەسپۋبليكاسىنىڭ پرەزيدەنتى ر.حابيروۆ, ينگۋشەتيا رەسپۋبليكاسىنىڭ تۇڭعىش پرەزيدەنتى ر.اۋشەۆ, رەسەي فەدەرالدىق جينالىسى فەدەراتسيا كەڭەسىنىڭ توراعاسى ۆ.ماتۆيەنكو, رەسەي فەدەرالدىق جينالىسى مەملەكەتتىك دۋماسىنىڭ توراعاسى ۆ.ۆولودين, رەسەي فەدەراتسياسى قاۋىپسىزدىك كەڭەسى توراعاسىنىڭ ورىنباسارى دميتري مەدۆەدەۆ, رەسەي فەدەراتسياسى پرەزيدەنتى اكىمشىلىگى باسشىسىنىڭ ورىنباسارى د.كوزاك, رەسەي فەدەراتسياسى فەدەرالدىق جينالىسى مەملەكەتتىك دۋماسىنىڭ دەپۋتاتى ۆ.رەسين, رەسەي فەدەراتسياسى مەملەكەتتىك دۋماسى حالىقارالىق ىستەر كوميتەتىنىڭ توراعاسى ل.سلۋتسكي, ساراتوۆ وبلىسىنىڭ گۋبەرناتورى ۆ.راداەۆ, استراحان وبلىسىنىڭ گۋبەرناتورى ي.بابۋشكين, ورىنبور وبلىسىنىڭ باسشىسى د.پاسلەر, بايقوڭىر قالاسى اكىمشىلىگىنىڭ باسشىسى ك.بۋسىگين, رەسەي فەدەراتسياسى پرەزيدەنتىنىڭ تۇراقتى دامۋ ماقساتتارىنا جەتۋ ءۇشىن حالىقارالىق ۇيىمدارمەن بايلانىس جونىندەگى ارنايى وكىلى ا.چۋبايس, جالپى كاسىپوداقتار كونفەدەراتسياسىنىڭ باس حاتشىسى ۆ.ششەرباكوۆ, ۋكراينانىڭ بۇرىنعى پرەزيدەنتى ل.كۋچما, ماسكەۋ مەملەكەتتىك حالىقارالىق قاتىناستار ينستيتۋتىنىڭ رەكتورى ا.توركۋنوۆ, مير مەملەكەتارالىق تەلەراديوكومپانياسىنىڭ توراعاسى ر.باتىرشين, تاسس باس ديرەكتورى س.ميحايلوۆ, تاسس باس ديرەكتورىنىڭ ورىنباسارى م.گۋسمان, «كومسومولسكايا پراۆدا» مەدياتوبى باس ديرەكتورى ۆ.سۋنگوركين, رەسەي كوركەمدىك اكادەمياسىنىڭ پرەزيدەنتى ز.تسەرەتەلي, ورال فەدەرالدىق ۋنيۆەرسيتەتىنىڭ رەكتورى ۆ.كوكشاروۆ, رەسەي فەدەراتسياسىنىڭ ەڭبەك سىڭىرگەن ءارتىسى ا.تسوي, ەۋروپالىق پارلامەنت دەپۋتاتى ت.مارياني, برازيليا قالاسىنىڭ گۋبەرناتورى ك.بۋاركە, برازيليا ۇلتتىق كونگرەسىنىڭ بۇرىنعى سەناتورى ۋ.ريدەل جانە باسقالار ءوز قۇتتىقتاۋلارىندا قازاقستان مەملەكەتتىلىگىنىڭ قالىپتاسۋى مەن دامۋىنداعى قازاقستاننىڭ تۇڭعىش پرەزيدەنتىنىڭ تاريحي رولىنە ەرەكشە توقتالدى. سونداي-اق وڭتۇستىك افريكانىڭ اقىنى كاميللو مۋباراك زيمبا ولەڭ تۇرىندە ەرەكشە قۇتتىقتاۋ جولدادى.
تاتارستان رەسپۋبليكاسىنىڭ پرەزيدەنتى ر.ميننيحانوۆ ءوز حاتىندا نۇرسۇلتان نازارباەۆقا سارقىلماس كۇش-قۋات جانە ەلباسىنىڭ جاۋاپتى ميسسياسىن جۇزەگە اسىرۋىنا تابىس تىلەدى.
«دارا ۇلتتىق كوشباسشى, دارىندى ساياساتكەر ءارى تاجىريبەلى مەملەكەت قايراتكەرى رەتىندە ءسىز ءوز ەلىڭىزدىڭ مۇددەسى ءۇشىن ادال ءارى جەمىستى قىزمەت ەتۋدى جالعاستىرىپ, قازاقستاننىڭ كوپقىرلى تىنىس-تىرشىلىگىنە بەلسەنە اتسالىسىپ كەلەسىز. قازىرگى جاھاندىق تۇراقسىزدىق كۇشەيگەن ۋاقىتتا ءسىزدىڭ باي تاجىريبەڭىز بەن بيىك بەدەلىڭىز, قازاقستاننىڭ ءوزىڭىز قالىپتاستىرعان بەرىك الەۋمەتتىك-ەكونوميكالىق ىرگەتاسى قازاق مەملەكەتتىلىگىنىڭ مىزعىماۋى مەن قوعامنىڭ يگىلىگىنىڭ شەشۋشى فاكتورى سانالادى», دەپ جازدى ر.ميننيحانوۆ.
نۇرسۇلتان نازارباەۆتىڭ اتىنا جولدانعان قازاقستاندىق جانە شەتەلدىك ىسكەر توپتار وكىلدەرىنىڭ ۇندەۋلەرىندە جاڭعىرۋ جولىندا قازاقستاندىقتاردى ۇيىستىرعان ءتيىمدى قوعامدىق كەلىسىم ساياساتى اتاپ وتىلگەن. «ERG» كومپانياسىنىڭ قۇرىلتايشىلارى ا.ماشكەۆيچ پەن پ.شوديەۆ, «Kegoc» اكتسيونەرلىك قوعامى باسقارماسىنىڭ توراعاسى ب.قاجيەۆ, «Kazzinc Holdings» جاۋاپكەرشىلىگى شەكتەۋلى سەرىكتەستىگى ديرەكتورلار كەڭەسىنىڭ توراعاسى ن.پوپوۆيچ, «Mabetex Group» كومپانياسىنىڭ نەگىزىن قالاۋشى ءارى پرەزيدەنتى ب.پاكوللي مەن ا.پاكوللي, ەۋرازيالىق دامۋ بانكى باسقارما توراعاسىنىڭ ورىنباسارى ت.ساركيسيان, «ەني» كومپانياسىنىڭ باس اتقارۋشى ديرەكتورى ك.دەسكالتسي, «Ahsel Holding» كومپانيالار توبى ديرەكتورلار كەڭەسىنىڭ توراعاسى احمەت حامدي ايان, «روساتوم» مەملەكەتتىك كورپوراتسياسىنىڭ باس ديرەكتورى ا.ليحاچەۆ, «گازپروم نەفت» جابىق اكتسيونەرلىك قوعامى ديرەكتورلار كەڭەسىنىڭ توراعاسى جانە باسقارما توراعاسى ا.ميللەر مەن ا.ديۋكوۆ, «لۋكويل» مۇناي كومپانياسىنىڭ پرەزيدەنتى ۆ.الەكپەروۆ, «Acces Industries CIS» كومپانياسىنىڭ باسشىلارى ل.بلاۆاتنيك پەن س.كارپۋحوۆيچ, ەۋرازيالىق دامۋ ورتالىعىنىڭ باس ديرەكتورى ت.مانسۇروۆ جانە باسقالار ەلباسىنىڭ تۋعان كۇنىنە جانە ەلوردا كۇنىنە وراي ءوز قۇتتىقتاۋلارىن جولدادى.
«بانك ۆتب» كومپانياسىنىڭ پرەزيدەنتى ا.كوستين ءوزىنىڭ قۇتتىقتاۋ حاتىندا: «ەۋرازيا كەڭىستىگىندە ينتەگراتسيالىق پروتسەستەردىڭ ىلگەرىلەۋى ءسىزدىڭ ەسىمىڭىزبەن تىعىز بايلانىستى. ءسىز ۇزاق جىلدار بويى وزىڭىزگە وڭىرلىك جانە جاھاندىق تۇراقتىلىق پەن قاۋىپسىزدىكتى نىعايتۋعا ەلەۋلى ۇلەس قوسۋعا مۇمكىندىك بەرەتىن وراسان زور حالىقارالىق بەدەلگە يەسىز», دەپ جازدى.
سونداي-اق ورتالىق مەملەكەتتىك ورگانداردىڭ باسشىلارىنان, وبلىس اكىمدەرىنەن, دەپۋتاتتىق جانە ديپلوماتيالىق كورپۋس وكىلدەرىنەن, ۇلتتىق كومپانيالار مەن باسقا دا مەملەكەتتىك مەكەمەلەردىڭ, كاسىپورىندار مەن ۇيىمداردىڭ باسشىلارىنان كوپتەگەن قۇتتىقتاۋ كەلىپ ءتۇستى.
نۇرسۇلتان نازارباەۆتىڭ قازاقستان مەن ونىڭ حالقىنىڭ الەۋمەتتىك-ەكونوميكالىق دامۋىن قامتاماسىز ەتۋدەگى ەڭبەگى, سونىمەن قاتار جاڭا ەلوردانى سالۋداعى جەتىستىكتەر مادەنيەت, ءبىلىم جانە عىلىم سالاسىنىڭ قايراتكەرلەرى, اكادەميكتەر س.قيراباەۆ پەن ءا.بەيسەنوۆانىڭ, «نازارباەۆ ۋنيۆەرسيتەتتىڭ» پرەزيدەنتى ش.كاتسۋدىڭ, قاراعاندى مەملەكەتتىك تەحنيكالىق ۋنيۆەرسيتەتىنىڭ رەكتورى م.يباتوۆتىڭ, قازاقستاننىڭ حالىق ءارتىسى, قازاق ۇلتتىق ونەر ۋنيۆەرسيتەتىنىڭ رەكتورى ا.مۇساقوجاەۆانىڭ, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى د.ءبىلالوۆتىڭ, جازۋشى-دراماتۋرگ ج.ەرعاليەۆتىڭ, م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستانداعى فيليالى ديرەكتورى ا.ءسيدوروۆيچتىڭ, «ەگەمەن قازاقستان» اق پرەزيدەنتى د.قىدىرالىنىڭ, «الماتىكىتاپ» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ە.باتالوۆانىڭ, فيلولوگيا عىلىمدارىنىڭ دوكتورى و.ۆيدوۆانىڭ جانە باسقالارىنىڭ قۇتتىقتاۋلارىندا ەرەكشە اتاپ ءوتىلدى.
ەلوردا كۇنىنە جانە تۋعان كۇنگە وراي ەلباسى اكادەمياسىنىڭ تۇلەكتەرى ۇجىمدىق قۇتتىقتاۋ جولدادى. عىلىمي جانە شىعارماشىلىق ينتەلليگەنتسيانىڭ حاتتارىندا نۇرسۇلتان نازارباەۆتىڭ ەلىمىزدىڭ دامۋى مەن حالىقتىڭ ءال-اۋقاتىنىڭ ارتۋىنداعى ءرولى, سونداي-اق تاۋەلسىزدىكتىڭ 30 جىلىندا تۇڭعىش پرەزيدەنتتىڭ باسشىلىعىمەن قازاقستاننىڭ قول جەتكىزگەن تابىستارى ايرىقشا كورىنىس تاپتى.
«حالىق قاھارمانى», ارميا گەنەرالى, «قارۋلى كۇشتەر ارداگەرلەرى» رەسپۋبليكالىق قوعامدىق بىرلەستىگى ورتالىق كەڭەسىنىڭ توراعاسى م.التىنباەۆ, «ەرەكشە تاۋەكەل جاۋىنگەرى» قوعامدىق ۇيىمىنىڭ توراعاسى م.مامبەتوۆ, سونداي-اق قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى جانىنداعى قازاقستاندىق ارداگەرلەر كەڭەسىنىڭ توراعاسى ۆ.تەمىرباەۆ جانە تاعى باسقالارى ءوز قۇتتىقتاۋلارىندا ەلباسىنا زور دەنساۋلىق تىلەپ, جىلى لەبىزدەرىن جەتكىزدى.
نۇرسۇلتان نازارباەۆتى تۋعان كۇنىمەن جانە ەلوردا كۇنىمەن شىن جۇرەكتەن قۇتتىقتاعان جەدەلحاتتار ماسكەۋ جانە بۇكىل رەسەي پاتريارحى كيريللدەن, استانا جانە قازاقستان ءميتروپوليتى الەكساندردان, ورال جانە اقتوبە ارحيەپيسكوپى انتونيدەن كەلىپ ءتۇستى.
ەلىمىزدىڭ جانە شەتەلدىڭ كوپتەگەن ازاماتىنان زور دەنساۋلىق پەن ۇزاق ءومىر تىلەگەن قۇتتىقتاۋلار كوپتەپ كەلدى. ولاردىڭ ىشىندە الماتى وبلىسىنداعى سىنىپتاستارىنىڭ اتىنان قۇتتىقتاعان ە.جۇنىسبەكوۆ, نۇر-سۇلتان قالاسىنىڭ تۇرعىندارى ايتحوجيندەر وتباسى مەن يۋ.بەدرين, ا.جارعاق, ا.مۇحامەدجانوۆ, الماتىلىق ع.ابدىكەنوۆ, گ.داركەمباەۆا, ا.جۇمانيازوۆا, ر.تولەگەنوۆا, شىمكەنت تۇرعىندارى ج.پىراليەۆ, ج.بيمۋرزاەۆ, ۆ.اندريۋكوۆ, قاراعاندىلىق ن.كەللەر, م.مۋكاشەۆ, تالدىقورعان قالاسىنىڭ تۇرعىنى ش.ەرلان ۇلى جانە باسقالارى بار. سونىمەن بىرگە شىمكەنت قالاسىنىڭ تۇرعىنى ش.يۋلداشەۆ جانە كەنتاۋلىق س.حاميدۋللينا ولەڭ تۇرىندە قۇتتىقتاۋ جازدى. رۋدنىي قالاسى №7 ورتا مەكتەبىنىڭ 1-سىنىپ وقۋشىسى ا.الىمقىزى ءوز حاتىندا: ء«سىزدى جانە ەلوردامىز نۇر-سۇلتان قالاسىن تۋعان كۇنىمەن قۇتتىقتايمىن! سىزگە زور دەنساۋلىق پەن اماندىق تىلەيمىن, استانامىز گۇلدەنە بەرسىن! بەيبىت اسپانىمىز بەن باقىتتى بالالىعىمىز ءۇشىن وزىڭىزگە العىس ايتامىز», دەپ جازدى.
ەلباسى كەلىپ تۇسكەن حات-حابارلارمەن تانىسىپ, بارلىق قۇتتىقتاۋ حاتتىڭ اۆتورلارىنا جىلى سوزدەرى مەن ىستىق تىلەكتەرى ءۇشىن ريزاشىلىعىن بىلدىرەدى.
