«بيىلعى جىلدىڭ 1 قاڭتارىنداعى جاعداي بويىنشا تۇرعىلىقتى جەرى بويىنشا تۇراقتى تىركەلگەن 12 416 759 ازامات سايلاۋشىلار تىزىلىمىنە ەنگىزىلدى. ياعني بۇگىندە رەسپۋبليكالىق رەفەرەندۋمعا قاتىسۋ قۇقىعى بار ازاماتتاردىڭ ءتىزىمىن جاساۋعا نەگىز بار. ەندى تەك قاڭتار-اقپان ايلارىنداعى كوشى-قون ۇدەرىستەرىنە جانە ازاماتتاردان تۇسكەن وتىنىشتەرگە بايلانىستى ناقتى تۇزەتۋلەر ەنگىزۋ قاجەت», دەدى ورتالىق رەفەرەندۋم كوميسسياسىنىڭ مۇشەسى ازامات ايماناقۇموۆ.
ونىڭ ايتۋىنشا, رەفەرەندۋمدى ۇيىمداستىرۋ ءۇشىن سايلاۋ ۋچاسكەلەرىنىڭ ەكى ءتۇرى پايدالانىلادى – ازاماتتاردىڭ تۇرعىلىقتى جەرى بويىنشا جانە ۋاقىتشا بولاتىن ورىنداردا قۇرىلعان ۋچاسكەلەر.
«جالپى سايلاۋ ۋچاسكەلەرىنىڭ سانى – 10 413. ونىڭ ىشىندە ازاماتتاردىڭ تىركەلگەن جەرى بويىنشا – 9 779, ۋاقىتشا بولاتىن ورىنداردا – 634, سونىڭ ىشىندە شەتەلدەگى ۋچاسكەلەر سانى – 82. بۇل 82 ۋچاسكە 64 مەملەكەتتە ورنالاسقان. رەفەرەندۋم كوميسسيالارى مۇشەلەرىنىڭ جالپى سانى – 71 044 ادام», دەپ اتاپ ءوتتى كوميسسيا مۇشەسى.
وتىرىستا 2026 جىلعى 15 ناۋرىزعا تاعايىندالعان رەسپۋبليكالىق رەفەرەندۋمدى دايىنداۋ مەن وتكىزۋدىڭ نەگىزگى ءىس-شارالارىنىڭ كۇنتىزبەلىك جوسپارى بەكىتىلدى.
ەسكە سالايىق, بۇعان دەيىن پرەزيدەنت قاسىم-جومارت توقاەۆ 2026 جىلعى 15 ناۋرىزدا رەسپۋبليكالىق رەفەرەندۋم وتكىزۋ تۋرالى جارلىققا قول قويعان ەدى.
