2013 جىلعى 20 جەلتوقسان, استانا, ۇكىمەت ءۇيى
«مەملەكەتتىك كۇزەتىلۋى ءتيىس وبەكتىلەردىڭ كەيبىر ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2011 جىلعى 7 قازانداعى № 1151 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «مەملەكەتتىك كۇزەتىلۋى ءتيىس وبەكتىلەردىڭ كەيبىر ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2011 جىلعى 7 قازانداعى №1151 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 56, 800-قۇجات) مىناداي وزگەرىستەر ەنگىزىلسىن:
1) كورسەتىلگەن قاۋلىمەن بەكىتىلگەن مەملەكەتتىك كۇزەتىلۋى ءتيىس وبەكتىلەردى ايقىنداۋ قاعيداسىندا:
5-تارماقتىڭ ەكىنشى بولىگىنىڭ 1) تارماقشاسى مىناداي رەداكتسيادا جازىلسىن:
«1) قازاقستان رەسپۋبليكاسىنىڭ رەسپۋبليكالىق جانە وبلىستىق ماڭىزى بار ورتالىق جانە جەرگىلىكتى اتقارۋشى مەملەكەتتىك ورگاندارىنىڭ, قازاقستان رەسپۋبليكاسى جوعارعى سوتىنىڭ, جەرگىلىكتى جانە باسقا دا سوتتاردىڭ, باس پروكۋراتۋرانىڭ, وبلىستاردىڭ پروكۋراتۋرالارىنىڭ, رەسپۋبليكالىق ماڭىزى بار قالا مەن رەسپۋبليكا استاناسى پروكۋراتۋرالارىنىڭ, قالالىق جانە ولارعا تەڭەستىرىلگەن اسكەري جانە باسقا دا مامانداندىرىلعان پروكۋراتۋرالاردىڭ, قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى مەن ونىڭ اۋماقتىق بولىنىستەرىنىڭ اكىمشىلىك عيماراتتارى مەن وبەكتىلەرى;».
2) كورسەتىلگەن قاۋلىمەن بەكىتىلگەن مەملەكەتتىك كۇزەتىلۋى ءتيىس وبەكتىلەردىڭ ينجەنەرلىك-تەحنيكالىق نىعايتىلۋى جونىندەگى تالاپتاردا:
6-تارماقتىڭ 2) جانە 3) تارماقشالارى مىناداي رەداكتسيادا جازىلسىن:
«2) ۆ ساناتى – قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەر مەن اسكەري قۇرالىمداردىڭ وبەكتىلەرى; جانار-جاعارماي, ەنەرگەتيكالىق پايدالى قازبالاردى وندىرۋگە جانە قايتا وڭدەۋگە بايلانىستى وبەكتىلەر, حيميا ونەركاسىبىنىڭ وبەكتىلەرى; سۋ شارۋاشىلىعى وبەكتىلەرى –گيدروتەحنيكالىق قۇرىلىستار: گيدروتوراپتار, شليۋزدەر, بوگەتتەر; سۋ قويمالارى, اسا قاۋىپتى, باكتەريولوگيالىق, بيولوگيالىق جانە حيميالىق زاتتاردى ازىرلەۋ, ءوندىرۋ, سىناۋ جانە ساقتاۋ جونىندەگى ۇيىمداردىڭ وبەكتىلەرى مەن وقشاۋلانعان ءۇي-جايلارى; تىرشىلىكتى قامتاماسىز ەتۋ وبەكتىلەرى; اۋىر قىلمىس جاساعانى ءۇشىن كۇدىكتى ادامداردى ستاتسيونارلىق سوت-پسيحياتريالىق ساراپتامادان جانە زەرتتەۋدەن وتكىزۋ جونىندەگى ۇيىم;
3) س ساناتى – قازاقستان رەسپۋبليكاسى ورتالىق جانە جەرگىلىكتى اتقارۋشى مەملەكەتتىك ورگاندارىنىڭ, قازاقستان رەسپۋبليكاسى جوعارعى سوتىنىڭ, جەرگىلىكتى جانە باسقا دا سوتتاردىڭ; باس پروكۋراتۋرانىڭ, وبلىستار پروكۋراتۋرالارىنىڭ, رەسپۋبليكالىق ماڭىزى بار قالا مەن رەسپۋبليكا استاناسى پروكۋراتۋرالارىنىڭ, قالالىق جانە ولارعا تەڭەستىرىلگەن اسكەري جانە باسقا دا مامانداندىرىلعان پروكۋراتۋرالاردىڭ, قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى مەن ونىڭ اۋماقتىق بولىنىستەرىنىڭ اكىمشىلىك عيماراتتارى مەن وبەكتىلەرى; قازاقستان رەسپۋبليكاسى ۇلتتىق بانكىنىڭ وبەكتىلەرى, ونىڭ فيليالدارى مەن ساقتاۋ ورىندارى; قازاقستان رەسپۋبليكاسىندا اككرەديتتەلگەن شەتەلدىك ديپلوماتيالىق وكىلدىكتەر, كونسۋلدىق مەكەمەلەر مەن حالىقارالىق ۇيىمداردىڭ وكىلدىكتەرى; رەسپۋبليكالىق ماڭىزى بار بايلانىس, تەلە جانە راديوحابارلارىن تاراتۋ وبەكتىلەرى; عارىش ينفراقۇرىلىمىنىڭ وبەكتىلەرى.».
2. وسى قاۋلى 2014 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
