حالىق بىرلىگىنە ەرەكشە نازار

28 ساۋىردە “نۇر وتان” پارتياسىندا پارتياارالىق كەڭەستىڭ كەزەكتى وتىرىسى ءوتتى. جيىنعا قاتىسۋشىلار ەڭ وزەكتى تاقىرىپتاردىڭ ءبىرى – كورشىلەس قىرعىزستانداعى جاعدايدى تالقىلادى, دەپ حابارلادى وسى پارتيانىڭ ءباسپاسوز قىزمەتى. “نۇر وتان” پارتياسى ءتور­اعاسىنىڭ ءبىرىنشى ورىنباسارى نۇرلان نىعماتۋلين اتاپ ءوت­كەندەي, “پرەزيدەنتىمىز, پارتيا كوشباسشىسى نۇرسۇلتان نا­زار­باەۆتىڭ حالىقارالىق جوعا­رى بەدەلىنىڭ, ازاماتتىق باتىل قيمىلىنىڭ ارقاسىندا قىر­عىز­ستاندا ازامات سوعىسى قاۋ­پى جويىلدى.  ەلدە قوعامدىق-ساياسي تۇراقتىلىقتى قامتاما­سىز ەتۋ ءۇشىن ۇكىمەتتىك دەڭگەيدە كەلىسسوزدەر جۇرگىزىلۋدە”. وتىرىس ناتيجەسىندە قىر­عىز­ستانداعى قايعىلى وقيعالار جانە ەقىۇ-عا توراعا رەتىندە قازاقستان تاراپىنان قابىل­دا­نىپ جاتقان شارالار تۋرالى پار­تياارالىق كەڭەسكە قاتىسۋ­شى­لاردىڭ ۇندەۋى قابىلداندى. ۇندەۋدە كورشى قىرعىز­ستان­دا بولعان وقيعالارعا قاتىستى الاڭداۋشىلىق, ازامات سو­عىس­ىنا جول بەرمەگەن قازاقستان باس­شىلىعىنىڭ باتىل قادامدا­رى مەن تولىقتاي قولداۋ كورسە­تۋى جونىندە ايتىلادى. پارتيا­ارالىق كەڭەسكە قاتىسۋشىلار بارلىق ساياسي كۇشتەردى قىرعىز­ستان­داعى جاعدايدى قايتالاماۋعا شاقىردى. اسىرەسە, قازاقستان حالقىنىڭ ءومىرىن جاقسارتۋعا باعىتتالعان مەملەكەتتىك باعدار­لامالار مەن جوبالاردى ورىن­داۋدا حالىق بىرلىگىنە ەرەكشە كوڭىل ءبولىندى.