قارجى • 15 شىلدە، 2021

«كۇلتەگىندى» قابىلداماعان جاۋاپكەرشىلىك ارقالايدى

52 رەت كورسەتىلدى

وسىدان سەگىز جىل بۇرىن 1000 تەڭگەلىك «كۇلتەگىن» بانكنوتى ەستەلىك رەتىندە شىعارىلعان ەدى. بىراق ونى ساتىپ الۋشىلار بانكنوتتى تولەمنىڭ ءبىر ءتۇرى رەتىندە دە پايدالانۋعا ءتيىس بولاتىن. الايدا سوڭعى كەزدە قازاقستاننىڭ ۇلتتىق بانكىنە بۇل كۋپيۋرانى دۇكەندەرگە وتكىزە الماعان ازاماتتار ءجيى حابارلاساتىن بولعان.

«Kۇلتەگىن» تۇركى جازبا ەس­كەرتكىشىنە ارنالعان نومينالى 1000 تەڭگەلىك بانكنوت 2013 جىلدىڭ 12 جەلتوقسانىندا اي­نالىمعا ەنگەن. ۇلتتىق بانكتىڭ قولما-قول اقشا اينالىسى دە­پارتامەنتى باسقارماسىنىڭ باسشىسى دينارا داۋتوۆانىڭ ايتۋىنشا، بۇل بانكنوت – زاڭدى تولەم قۇرالى. ولاردى باسقا دا ەستەلىك بانكنوتتار سەكىلدى بانك وپەراتسيالارى مەن اۋدارىمدار كەزىندە جانە تولەمنىڭ كەز كەلگەن ءتۇرى بويىنشا قا­بىلداۋعا مىندەتتى. «مۇنداي بانكنوتتاردى قابىلداۋدان باس تارتقان جاعدايدا كاسىپكەرلەر الدىمەن ەسكەرتۋ الادى. بۇل «اكىمشىلىك قۇقىق بۇزۋشىلىق تۋرالى» كودەكستىڭ 206-بابىمەن رەتتەلىپ، زاڭدى بۇزعاندار اكىمشىلىك جاۋاپكەرشىلىك ار­قالايدى. ەگەر اتاۋلى جاعداي̆ جىل ىشىندە قاي̆تالانسا، 5-تەن 25 اەك مولشەرىندە اي̆ىپپۇل قاراستىرىلعان. ەگەر سىزدەن بۇل بانكنوتتاردى قابىلداماسا، ۇلت­تىق بانكتىڭ اۋماقتىق فيليالىنا ءوتىنىش ءبىلدىرۋىڭىز قاجەت. بانكنوتتى قابىلداۋدان باس تارتۋ فاكتىسىن بەينەجازباعا ءتۇسىرىپ الۋعا نەمەسە جازباشا نەگىزدەمە تالاپ ەتۋگە كەڭەس بەرەمىز»، دەيدى د.داۋتوۆا.

جالپى اينالىمدا «كۇلتەگىن» بانكنوتىنان باسقا دا اتاۋلى كۇندەر مەن وقيعالارعا ارنالعان ەستەلىك بانكنوتتاردىڭ تۇرلەرى بار. ولاردىڭ ءبارىن ەستەلىك رە­تىندە ساقتاپ قويۋعا دا، تولەم ءتۇرى رەتىندە پايدالانۋعا دا بولادى دەيدى ماماندار.

ەستەلىك بانكنوتتاردى ەكىنشى دەڭگەيلى بانكتەر مەن «قازپوشتا» اق-تىڭ بارلىق بولىمشەسىندە، سونداي-اق قازاقستان ۇلتتىق بانكى فيليالدارىندا اۋىستىرۋعا جانە ايىرباستاۋعا بولادى. بۇل كۋپيۋرالار توزىعى جەتكەندە عانا اينالىمنان شىعارىلاتىنىن ەستەرىڭىزگە سالامىز.

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار