ساراپشىلار ناقتىلاپ وتكەندەي, اشتىقتىڭ جالعىز سەبەبى پاندەميا ەمەس. الەمنىڭ ءار ءتۇرلى ايماقتارىندا ازىق-ت ۇلىك تاپشىلىعى بۇعان دەيىن دە بايقالعان: يەمەندە, وڭتۇستىك سۋداندا جانە باسقا ەلدەردە ادامدار اشتىقتان نەمەسە تاماقتانۋدان, ال بالالار تاماقتانۋدان زارداپ شەگىپ جاتقانى بۇۇ تاراپىنان بىرنەشە رەت ەسكەرتىلگەن.
ازىق-ت ۇلىك جانە اۋىلشارۋاشىلىق ۇيىمى (فاو), يۋنيسەف, دۇنيەجۇزىلىك ازىق-ت ۇلىك باعدارلاماسى (بۇۇ) جانە ددۇ-نى قوسا العاندا, بۇۇ-نىڭ بىرنەشە اگەنتتىكتەرىنىڭ ساراپشىلارى دايىنداعان قازىرگى ەسەپ پاندەميا باستالعاننان بەرى العاش رەت تانىستىرىلىپ وتىر.
ساراپشىلاردىڭ باعالاۋى بويىنشا, 2020 جىلى اشتىققا تاپ بولعان ادامداردىڭ سانى 118 ميلليونعا ءوسىپ, 811 ميلليونعا جەتتى.
فاو-نىڭ باس ەكونوميسى ماكسيمو تورەرونىڭ سوزىنشە, 2020 جىلى پلانەتانىڭ بارلىق تۇرعىندارىنىڭ 9,9 پايىزىندا دۇرىستاپ تاماقتانۋ مۇمكىندىگى بولماعان, بۇل كورسەتكىش وتكەن جىلمەن سالىستىرعاندا 1,5 پايىزعا ارتىق. دۇرىس تاماقتانۋعا مۇمكىندىگى جوق ازاماتتاردىڭ باسىم كوپشىلىگى – ازيادا (418 ميلليون), ۇشتەن ءبىرى افريكادا (282 ميلليون), از بولىگى (60 ميلليون) لاتىن امەريكاسىندا جانە كاريب تەڭىزىندە تۇرادى.
بۇۇ-نىڭ باعالاۋى بويىنشا, افريكا تۇرعىندارىنىڭ بەستەن ءبىر بولىگى تاماقتانبايدى.
«الەمدەگى تاعى 2,3 ميلليارد ادام ازىق-ت ۇلىك ساتىپ الا الماي وتىر. بۇل بۇكىل ادامزاتتىڭ ۇشتەن ءبىرى. بۇل جاعداي كەز كەلگەن ساتتە قاتتى ازىق-ت ۇلىك تاپشىلىعىنا ۇلاسۋى مۇمكىن», دەپ ەسكەرتەدى ماماندار.
سوڭعى جاعداي كوبىنەسە ازىق-ت ۇلىكتىڭ جەتكىلىكسىزدىگىمەن بايلانىستى. بالالار دەنساۋلىققا پايدالى تاعامداردى از جەۋگە ءماجبۇر. جالپى, پلانەتادا 3 ميللياردقا جۋىق ادام پايدالى تاماق - كوكونىستەر مەن جەمىستەردى ساتىپ الا المايدى. بالا تۋ جاسىنداعى ايەلدەردىڭ ۇشتەن بىرىنەن كوبى وسى سەبەپتى انەميامەن اۋىرادى.
شىلدە ايىندا ريمدە بۇۇ-نىڭ قامقورلىعىمەن ازىق-ت ۇلىك جۇيەلەرى بويىنشا جاھاندىق سامميتكە دايىندىق بويىنشا كەزدەسۋ وتەدى. قاتىسۋشىلار اشتىق پەن تاماقتانباۋ, كليماتتىڭ وزگەرۋى, تەڭسىزدىك پەن جانجالمەن كۇرەسۋ جولدارىن تالقىلايدى.
