«بۇگىندە سۋ قاۋىپسىزدىگى ماسەلەلەرى ۇلكەن ماڭىزعا يە. قازاقستاننىڭ قولدا بار سۋ رەسۋرستارى جەر استى سۋلارى مەن وزەن اعىسىنىڭ قورلارىنان تۇرادى. وزەن رەسۋرستارىنىڭ ناقتى كورسەتكىشتەرى سوڭعى جىلدارى شامامەن 90-100 تەكشە كم قۇرايدى. ونىڭ ىشىندە 50,8 تەكشە كم جەرگىلىكتى اعىن, ال 39,2 تەكشە كم قىتايدان, ورتالىق ازيا ەلدەرىنەن جانە رەسەيدەن ترانسشەكارالىق وزەندەر ارقىلى كەلىپ تۇسەدى. رەسەي فەدەراتسياسىنا كەتەتىن اعىن بولسا جىلىنا ورتا ەسەپپەن 16,5 تەكشە شاقىرىمدى قۇرايدى», دەپ مالىمدەدى ماعزۇم مىرزاعاليەۆ.
كەزدەسۋ بارىسىندا مينيستر جەراستى سۋ قورىمەن قاتار قاجەتتى سۋ كولەمى جايلى مالىمەت بەردى.
«3,5 مىڭنان استام كەن ورىندارىندا 15,5 تەكشە شاقىرىم كولەمىندە جەراستى سۋلارىنىڭ راستالعان قورى بار. گەوگرافيالىق تۇرعىدان ولار بىركەلكى بولىنبەگەن باتىستاعى كەن ورىندارىنىڭ 20%-دان كەم بولسا, ورتالىق, سولتۇستىك جانە شىعىس ايماقتاردا 30% جانە ەلدىڭ وڭتۇستىگىندە شامامەن 50%-دى قۇرايدى. جالپى ەكولوگيالىق قاجەتتىلىكتەرگە شامامەن 50 تەكشە شاقىرىم سۋ قاجەت. پايدالانىلاتىن سۋدىڭ جالپى كولەمى - شامامەن 25 تەكشە شاقىرىم. ونىڭ ىشىندە اۋىل شارۋاشىلىعىنا – 15 تەكشە شاقىرىم (65%), ونەركاسىپكە – 6 تەكشە شاقىرىم (30%) جانە كوممۋنالدىق شارۋاشىلىققا – 1 تەكشە شاقىرىم (5%) تيەسىلى. ال تاسىمالداۋ كەزىندەگى شىعىندار 3 تەكشە شاقىرىمدى قۇرايدى», دەپ ءتۇسىندىردى مينيستر.
