سوچي وليمپياداسىندا رەسەي سپورتشىلارى مەدالدار سانىن اسىرا ءتۇسۋدى باستى ماقسات ەتىپ, العا قويمايدى. مۇنى رەسەي وليمپيالىق كوميتەتىنىڭ پرەزيدەنتى الەكساندر جۋكوۆ يتار-تاسس تىلشىسىنە بەرگەن سۇحباتىندا ايتتى.
سوچي وليمپياداسىندا رەسەي سپورتشىلارى مەدالدار سانىن اسىرا ءتۇسۋدى باستى ماقسات ەتىپ, العا قويمايدى. مۇنى رەسەي وليمپيالىق كوميتەتىنىڭ پرەزيدەنتى الەكساندر جۋكوۆ يتار-تاسس تىلشىسىنە بەرگەن سۇحباتىندا ايتتى.
«ءبىزدىڭ مەدالدار جونىندە الدىن الا مولشەرلەپ وتىرعان جوسپارىمىز جوق, – دەدى ول. – بىراق بۇل «باستى ماقسات – قاتىسۋ» دەگەن قاعيداتتى دا بىلدىرمەيدى. جۇرت وليمپيالىق ويىندارعا ءبىر-ءبىرىن قىزىقتاپ كورۋ ءۇشىن نەمەسە وزدەرىن ءجاي كورسەتىپ قايتۋ ءۇشىن ەمەس, باسەكەنىڭ كورىگىن قىزدىرىپ, جارىسقا جالىن قوسۋ ءۇشىن بارادى. ال قانداي دا ءبىر دودانىڭ تۇپكى ناتيجەسى ونداعى الىنعان ورىندارمەن ولشەنەدى».
وسى ورايدا جۋكوۆ دايىندىقتىڭ جالپى جوسپارى جاسالىپ قويىلعانىن, ول بويىنشا ءاربىر سالانىڭ بەلگىلى ءبىر ناتيجەگە ەسەپ جاساعانىن باياندادى. بىراق ول قالايدا جەڭىسكە جەتۋ ءۇشىن بارلىق تاسىلدەر مەن ايلالاردى ىسكە قوسۋعا نەگىز بولا المايدى. بارلىق جارىس جولدارى مەن ايدىنداردا ادىلدىك سالتانات قۇراتىن تازا كۇرەس ءجۇرۋى ءتيىس. پرەزيدەنت سونىمەن قاتار, رەسەي سپورتشىلارىنىڭ مۇنىڭ الدىنداعى ۆانكۋۆەردە وتكەن وليمپيالىق ويىنداردان تومەن بولۋى ىقتيمالدىلىعى تۋرالى سۇراققا: «ول مۇلدە مۇمكىن ەمەس», – دەپ ناقتى جاۋاپ بەردى.
كەزدەسۋدە وليمپيالىق نىشانداردى پايدالانۋ جايى دا ءسوز بولدى. ويىن كەزىندە ولاردىڭ بارلىق قۇقىعى حالىقارالىق وليمپيالىق كوميتەتتە بولادى. سەبەبى, وليمپيادانىڭ يەسى – وسى كوميتەت. «وليمپيالىق ويىنداردى رەسەي وتكىزبەيدى. وليمپيادانىڭ يەسى – حالىقارالىق وليمپيالىق كوميتەت. بىزگە تەك ويىنداردى ءوز جەرىمىزدە وتكىزۋ قۇقىعى عانا بەرىلگەن», – دەدى جۋكوۆ ءسوزىنىڭ سوڭىندا.
دامير قوجامقۇل.
