مەملەكەت باسشىسى قاسىم-جومارت توقاەۆ 2020 جىلى «جاڭا جاعدايداعى قازاقستان: ءىس-قيمىل كەزەڭى» اتتى جولداۋىندا عىلىم سالاسىن دامىتۋ بويىنشا ناقتى تاپسىرمالار بەرگەن بولاتىن.
«ۇكىمەتكە جىل سايىن الەمنىڭ جەتەكشى عىلىمي ورتالىقتارىندا 500 عالىمنىڭ تاعىلىمدامادان ءوتۋىن قامتاماسىز ەتۋدى, سونداي-اق, «جاس عالىم» جوباسى اياسىندا زەرتتەۋ جۇرگىزۋ ءۇشىن 1000 گرانت ءبولۋدى تاپسىرامىن», دەگەن بولاتىن مەملەكەت باسشىسى.
«الەمنىڭ جەتەكشى عىلىمي ورتالىقتارىندا تاعلىمدامادان ءوتۋ ءۇشىن عالىمدارعا بولىنگەن 500 گرانتتى, سونداي-اق, «جاس عالىم» جوباسى بويىنشا جاس عالىمدارعا ارنالعان 1000 گرانتتى قارجىلاندىرۋ مەحانيزمدەرى انىقتالدى. عالىمدارعا تاعلىمدامادان وتۋگە بولىنگەن 500 گرانتتى قارجىلاندىرۋ ءۇشىن 1,35 ملرد تەڭگە كولەمىندە بيۋدجەتتىك ءوتىنىم قابىلداندى», دەپ جازىلعان پرەزيدەنتتىڭ ءباسپاسوز حاتشىسى ۇسىنعان مالىمەتتە.
بۇدان بولەك تاعىلىمدامادان ءوتۋ ەرەجەلەرى پىسىقتالىپ, ۇمىتكەرلەردى ىرىكتەۋدىڭ تالاپتارى ازىرلەنگەنى جايىندا ايتىلعان. سونداي-اق تاعىلمدامادان وتكىسى كەلەتىن 1000 جاس عالىمنىڭ مالىمەتتەر قورى جاساقتالعانى جانە «جاس عالىم» جوباسى اياسىندا بايقاۋدى قارجىلاندىرۋعا 3 ملرد تەڭگە ءبولۋ ماقۇلدانعانى جايلى جازىلعان.
بەرىك ءۋاليدىڭ دەرەگى بويىنشا, ەكى تاپسىرما دا ورىندالعان.
