13-14 شىلدەدە نۇر-سۇلتان قالاسىندا نايزاعاي كۇتىلەدى. باتىستان, سولتۇستىك-باتىستان سوعاتىن جەلدىڭ ەكپىنى 13 شىلدەدە تاڭەرتەڭ جانە كۇندىز 15-20 م/س, 14 شىلدەدە كەي ۋاقىتتاردا 15-20 م/س-قا جەتەدى.
13 شىلدەدە كۇندىز الماتى قالاسىندا نايزاعاي كۇتىلەدى. وڭتۇستىك-باتىس جەلى, نايزاعاي كەزىندە ەكپىنى 15 م/س جەتەدى.
13 شىلدە كۇنى تاڭەرتەڭ جانە كۇندىز شىمكەنت قالاسىندا نايزاعاي, داۋىل, باتىستان, سولتۇستىك-باتىستان سوعاتىن جەلدىڭ ەكپىنى 15-20 م/س كۇتىلەدى.
13 شىلدەدە اقمولا وبلىسىندا جاڭبىر, كەي جەرلەردە قاتتى جاڭبىر جاۋادى. كەي جەرلەردە نايزاعاي, بۇرشاق, داۋىل كۇتىلەدى. باتىستان, سولتۇستىك-باتىستان جەل سوعادى.
كوكشەتاۋ قالاسىندا كۇندىز قاتتى جاڭبىر جاۋادى. نايزاعاي, بۇرشاق كۇتىلەدى. باتىستان, سولتۇستىك-باتىستان جەل سوعادى, تاڭەرتەڭ جانە كۇندىز ەكپىنى 15-20 م/س جەتەدى.
13 شىلدە كۇنى الماتى وبلىسىنىڭ كەي جەرلەرىندە نايزاعاي, تاۋلى اۋدانداردا بۇرشاق كۇتىلەدى. وڭتۇستىك-باتىستان سوققان جەلدىڭ جىلدامدىعى 15-20 م/س دەيىن كۇشەيەدى.
جامبىل, قاراعاندى قوستاناي وبلىسىنىڭ كەي جەرلەرىندە نايزاعاي, تۇمان كۇتىلەدى. سولتۇستىك-باتىستان جەل سوعادى.
ماڭعىستاۋ وبلىسىنىڭ كەي جەرلەرىندە شاندى داۋىل كۇتىلەدى. ءوڭىردىڭ باسىم بولىگىندە توتەنشە ءورت قاۋىپى ساقتالادى.
13 شىلدەدە كۇندىز پاۆلودار وبلىسىندا قاتتى جاڭبىر جاۋىپ, كەي جەرلەرىندە نايزاعاي, بۇرشاق, داۋىل, كۇتىلەدى.
سولتۇستىك قازاقستان وبلىسىندا دا قاتتى جاڭبىر, نايزاعاي, بۇرشاق, داۋىل سوعادى.
13 شىلدەدە تاڭەرتەڭ جانە كۇندىز تۇركىستان وبلىسىنىڭ كەي جەرلەرىندە نايزاعاي, داۋىل, شاڭدى داۋىل كۇتىلەدى. باتىستان, سولتۇستىك-باتىستان جەل سوعادى, كەي جەرلەردە كۇشى 15-20, كۇندىز ەكپىنى 25 م/س. كەي جەرلەردە توتەنشە ءورت قاۋىپى ساقتالادى.
توتەنشە جاعدايلار مينيسترلىگى ازاماتتاردى دالا جانە ورمان القاپتارىندا بولعان كەزدە قاۋىپسىزدىك قاعيدالارىن ساقتاۋعا شاقىرادى. تابيعي ورتتەردىڭ ورىن الۋىنىڭ نەگىزگى سەبەپتەرى حالىقتىڭ وتتى ابايسىز پايدالانۋى, سوندىرىلمەگەن تەمەكى, الاۋ, جانعان سىرىڭكە, مايلى نەمەسە توزىعى جەتكەن شۇبەرەك, شىنى بوتەلكە, كولىك قۇرالىنىڭ سوندىرگىشىنەن ۇشقىنى, قۇرعاق ءشوپتىڭ جاعۋ, نايزاعاي بولىپ تابىلادى.
