«مۇنداي كەلىسىمدەر الەمدىك ساۋدانى جاڭا كەدەرگىلەردەن جانە ساندىق پروتەكتسيونيزمنەن قورعاۋعا, سونداي-اق ءتورتىنشى ونەركاسىپتىك رەۆوليۋتسيا كەزىندە دسۇ ەرەجەلەرىنىڭ قالاي جۇمىس ىستەيتىندىگى تۋرالى سۇراقتارعا جاۋاپ بەرۋگە مۇمكىندىك بەرەدى», دەدى ەەك ءمينيسترى.
اندرەي سلەپنەۆ ەۋرازيالىق ەكونوميكالىق وداق اياسىندا ەلەكتروندىق ساۋدانىڭ دامۋى تۋرالى ايتا كەلە, ءۇش تارماقتى اتاپ ءوتتى. بىرىنشىدەن, بۇل ەۋرازيالىق ەكونوميكالىق وداقتىڭ ورتاق نارىعىنىڭ جۇمىس ىستەۋى. «ەلەكتروندى ساۋدا ۇلكەن مۇمكىندىكتەر ۇسىنادى. بولشەك ساۋداداعى ەلەكتروندى ساۋدانىڭ ۇلەسى 2030 جىلعا قاراي 30%-دان 40%-عا دەيىن وسەدى دەپ ۇمىتتەنىپ وتىرمىز. بىراق ەكىنشى جاعىنان, بىرىڭعاي رەتتەۋدىڭ ارتتا قالۋى جالپى نارىقتىڭ ايتارلىقتاي بولشەكتەنۋىنە اكەلۋى مۇمكىن», دەپ ءسوزىن ءبىر ءتۇيىپ وتكەن مينيستر ۇلتتىق رەتتەۋدەگى دەرەكتەردى وقشاۋلاۋ مەن قول جەتىمدىلىككە, قوسارلانعان سالىق سالۋعا, باسەكەلەستىككە جانە تۇتىنۋشىلاردىڭ قۇقىقتارىن قورعاۋعا قاتىستى ايىرماشىلىقتارعا نازار اۋداردى.
ەەك ءمينيسترى ەلەكتروندى كوممەرتسياعا قاتىستى ءبىرتۇتاس تسيفرلىق قۇجاتتاردىڭ تولىق جيىنتىعىن دايىنداۋدى وتە ماڭىزدى ماسەلە دەپ اتادى. بۇگىنگى كۇنى, اندرەي سلەپنەۆتىڭ ايتۋىنشا, بۇل پروبلەما سەكتوردى دامىتۋعا باستى كەدەرگى بولىپ كورىنەدى.
ەكىنشى ماسەلە ساتىپ الۋشىلار مەن ساتۋشىلاردىڭ مىنەز-قۇلقىنا قاتىستى مانيپۋلياتسيانىڭ ادىلەتسىز تاجىريبەسىنىڭ الدىن الۋعا قاتىستى.
«بارلىعى جاقىندا عالامدىق ينتەرنەت-پلاتفورمالارعا قارسى ميلليونداعان دوللارلىق سوت ءىسى تۋرالى بىلەدى. بۇل ەڭ الدىمەن, ارتتا قالعان رەتتەۋ پروبلەماسى», دەپ اتاپ ءوتتى ەەك ءمينيسترى.
وسىنداي پروبلەمالاردىڭ الدىن الۋ جانە بيزنەس پەن تۇتىنۋشىلارعا نارىققا ادىلەتتى قول جەتىمدىلىكتى قامتاماسىز ەتۋ ءۇشىن تاۋارلاردى ينتەرنەت-سايتتارعا ورنالاستىرۋ مەن جىلجىتۋدىڭ اشىق ەرەجەلەرىن قامتاماسىز ەتۋ قاجەت.
ءۇشىنشى تارماق ەەك ءمينيسترى ناقتىلاپ وتكەندەي, ستراتەگيالىق سالاعا اينالاتىن ەلەكتروندى ساۋدا ينفراقۇرىلىمىنىڭ تۇراقتىلىعى مەن قاۋىپسىزدىگى ماسەلەلەرىنە قاتىستى, ال كەڭ ماعىنادا - ساۋدا ينفراقۇرىلىمىن تسيفرلاندىرۋ.
«ساندىق كولىك دالىزدەرى, قازىرگى كەزدە ايتىلعانداي, ەۋرازيا كەڭىستىگىندە ساۋدانىڭ وسۋىنە ۇلكەن جىلدام ناتيجە بولىپ تابىلادى. وتە ماڭىزدىسى, مۇندا - قىتايدا, ەو-دا جانە ەاەو-دا ساياسي تۇسىنىسپەۋشىلىك جوق. بارلىعى بۇعان پراكتيكالىق دەڭگەيدە كەلىسەدى», دەپ باسا ايتتى اندرەي سلەپنەۆ.
مىسال رەتىندە ول رەسەيدىڭ قيىر شىعىستان فينلياندياعا دەيىنگى كولىك ءدالىزىن تسيفرلاندىرۋدى كەلتىردى, بۇل تاۋارلاردى جەتكىزۋ مەرزىمىن ءتورت كۇنگە قىسقارتاتىنىن ەسكە سالدى.
