ونىڭ ايتۋىنشا, «قانداس» مارتەبەسى 3 جۇمىس كۇنى ىشىندە بەرىلەدى, ال ازاماتتىق الۋ ءۇش ايدىڭ ىشىندە جۇزەگە اسىرىلادى.
«قۇجاتتار سانىنا كەلسەك, قازىرگى كەزدە مەملەكەتتىك ورگاندار پىسىقتالۋدا. اقپارات جانە قوعامدىق دامۋ مينيسترلىگىنىڭ باستاماسىمەن ازاماتتىق بەرۋ بويىنشا قۇجاتتاردى وڭتايلاندىرۋ پروتسەسى جۇرگىزىلىپ جاتىر. جىل سوڭىنا دەيىن 46 قۇجاتتان 26-عا دەيىن قىسقارتۋ كوزدەلگەن. وسىنىڭ بارلىعى ەلىمىزگە كوشىپ كەلگەن نەمەسە كوشىپ كەلۋگە نيەت ءبىلدىرىپ وتىرعان ازاماتتارعا جاسالىپ وتىرعان جەڭىلدىكتەردىڭ ءبىرى. قازىر ازاماتتىق الۋ مەن تىركەۋگە تۇرۋ ءۇشىن ءبىر-اق رەت قۇجات تاپسىرىلادى. ارقايسىسىنا بولەك ەمەس. ءىىم بۇيرىعىمەن بەكىتىلگەن بۇل ءتارتىپ 2021 جىلدىڭ 1 قاڭتارىنان باستاپ كۇشىنە ەندى», دەدى م. سارباسوۆ.
ايتا كەتەيىك, 2019 جىلى «وتانداستار قورى» كەاق جانىنان 1404 قىسقاشا نومەرى بويىنشا ەلىمىزگە كوشىپ كەلگەن قانداستاردى اقپاراتتىق قولداۋ ورتالىعى قۇرىلعان بولاتىن. قازىرگى كەزدە 11 مىڭعا جۋىق ءوتىنىش كەلىپ ءتۇستى. ونىڭ 95 پايىزى ورىندالۋدا. م. سارباسوۆتىڭ ايتۋىنشا, ادامدار كوبىنەسە قۇجاتتاندىرۋ, ءبىلىم الۋ, تىركەۋ, الەۋمەتتىك ماسەلەلەر بويىنشا جۇگىنەدى.
