قوستاناي وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتى تاراتقان حابارلامادا ءىرى شارۋاشىلىقتاردىڭ بىرىندە مال شىعىنى دا بار ەكەنى ايتىلعان. ەپيدەميولوگتار مەن مال دارىگەرلەرى ءسىبىر جاراسى قوزدىرعىشىنىڭ سەبەبىن ءبىلدى. الايدا, ينفەكتسيا كوزى ازىرگە انىقتالعان جوق.
«قازىر جارانى جۇقتىرۋ وشاعىندا ەپيدەمياعا قارسى جانە ەپيزووتياعا قارسى پروفيلاكتيكالىق ءىس-شارالار جۇرگىزىلۋدە. ىندەتكە قاتىسى بار ادامدار باكتەرياعا قارسى ەم الادى, سودان كەيىن ولار ءسىبىر جاراسىنا قارسى ۆاكتسينامەن ەگىلەدى», دەپ اتاپ ءوتتى سانيتاريالىق-ەپيدەميولوگيالىق باقىلاۋ دەپارتامەنتىنىڭ اسا قاۋىپتى ينفەكتسيالار ءبولىمىنىڭ باسشىسى ل.نالوبينا.
ونىڭ مالىمدەۋىنشە, كوبىنە ينفەكتسيا كوزى بولاتىن ورىندار – تىيىم سالىنعانىنا قاراماستان, جايىلىمعا اينالعان ەسكى ءسىبىر جاراسى كومىندىلەرى.
«الايدا, اۋرۋ تىركەلگەن فەرمادا مۇنداي جەرلەۋ ورىندارى جوق. مۇنىڭ سەبەبى اپتاپ ىستىقتان تۋىنداعان قۇرعاقشىلىقتىڭ كەسىرى دەگەن بولجامىمىز بار. ورىستە جايىلعان مال شاعىن ءشوپتى تامىرىمەن ج ۇلىپ جەگەندە توپىراقتا قالعان ءسىبىر جاراسىن جۇقتىرۋى مۇمكىن», دەيدى دەپارتامەنت وكىلى.
