اسىققان اربامەن كىتاپ الار

ورتالىق ازيا ەلدەرى بويىنشا قازاقستاندا تۇڭعىش رەت “تەلەليفت” جۇيەسى ىسكە قوسىلدى بۇكىلالەمدىك كىتاپحانا كۇنىنە وراي استاناداعى ۇلتتىق كىتاپحاناشى­لار­دىڭ “اشىق ەسىك كۇنى” ءوتتى. ءبىر ايتا كەتەرلىگى, وسىدان 6 جىل بۇرىن قر ۇلتتىق اكادەميالىق كىتاپحاناسىن قۇرۋ جونىندە ۇكىمەتتىڭ قاۋلىسى شىققان بولاتىن. شاراعا مادەنيەت مينيسترلىگى مادە­نيەت كوميتەتىنىڭ توراعاسى ءى.قوزىباەۆ, ۇاك باس ديرەكتورى ر.وتارباەۆ, “كونەك” جاق (ماسكەۋ, رف) ەلەكترون­دىق رەسۋرستار ءبولىمىنىڭ جەتەكشىسى ە.ەرونينا, كىتاپحانا ىستەرىنىڭ ارداگەر­لەرى, پرەزيدەنتتىك مادە­نيەت ورتالىعى, العاشقى پرەزيدەنت مۇراجايى, پارلا­مەنت ءماجىلىسى, پرەزيدەنت جانىنداعى مەملەكەتتىك باسقارۋ اكادەميا­سى, استانا قالاسى جوو-نىڭ, كوللەدجدەردىڭ كىتاپ­حاناشىلارى قاتىسىپ, رۋحاني سالاعا بايلانىستى ءوزارا پىكىر الماستى. التى جىلدا ساندىق تەحنولوگيالاردى ەنگىزۋ كوشباسشىسىنا اينالىپ قانا قويماي, ۇلتتىق كىتاپحانا وزگە كىتاپ­حانالار ءۇشىن دە ادىستەمەلىك ورتالىققا اينالدى. مۇندا مەرزىمدى باسىلىمدار, كىتاپحانا ءىسى جونىندەگى انىقتامالىق ادەبيەتتەر, ءتۇرلى كونفەرەنتسيالاردىڭ جازبالارى ساقتالعان كىتاپحاناتانۋ كابي­نەتى جۇمىس ىستەيدى. بۇدان باسقا “كىتاپ­حانانىڭ التىن كەزەڭى” دەرەك بازا­سى قۇرىلدى, “كىتاپحانا ءىسى جانە اقپارات­تىق قىزمەت” ارقىلى يستۆيۋ دەرەك بازاسىنا قول جەتكىزۋگە بولادى, “بۇگىنگى كىتاپحانا”, “قازاقستان كىتاپحانالار باسى­­لىمدارى”, ء“بىزدىڭ جوبالار” كورمە­لەرى جۇمىس ىستەپ تۇر. سونىمەن بىرگە العاش رەت ەكى تىلدە ەلورداداعى 108 كىتاپ­حانا تۋرالى “استانا كىتاپحانالار انىقتا­ماسى” باسى­لىپ شىقتى. انىقتاما استانا كىتاپحانا­لارىنىڭ ءبىر-بىرىمەن بايلانىس ورناتۋ, ءوزارا ىنتىماقتاستىقتى ۇيلەس­تىرۋ, كىتاپ­حانا قىزمەتكەرلەرىنىڭ بىلىكتى­لىگىن, الەۋ­مەتتىك ينستيتۋت رەتىندە كىتاپ­حانا دارەجەسىن ارتتىرۋ ءۇشىن اسا ماڭىز­دى. اشىق ەسىك كۇنىنىڭ ماقساتى – ادىستە­مەلىك ورتالىق استانا كىتاپحانا­لارىنىڭ يننوۆا­تسيالىق قىزمەتىن دامىتۋعا قولداۋ كورسەتۋ مەن كاسىبي شەبەرلىگىن جەتىلدىرۋدى كوزدەيدى. باعدارلامانىڭ باستى بولىگى “قر ۇاك – كىتاپحانانىڭ جاڭا فورماتى” دەپ اتال­دى, سونداي-اق, “قازىرگى كىتاپحانانىڭ ەلەكترون­­دىق قىزمەتى – قازۇەك”, دەرەك­تەر بازاسى, قاشىقتان وقيتىن وقىر­مان, تەلەليفت, “قر ۇاك – استانا كىتاپ­حانا­لارى ءۇشىن ادىستەمەلىك ورتالىق” دەگەن حابار­لامالار وقىلىپ, ۇاك شىعا­راتىن “كىتاپ پاتشالىعى” جۋرنالى­نىڭ تۇساۋ­كەسەرى ءوتتى. كىتاپحانا قوناقتارى “كىتاپحانالىق كاسىبي قىزمەت”, “قازاقستان – جاسامپاز جەتىستىكتەر جولىندا”, “ايماقتىق كىتاپحانالار باسىلىمدارى”, “قر ۇاك باسپالىق قىزمەت”, “ج.مولداعاليەۆتىڭ 90 جىلدىعى”, “قازاقستان عىلىمى”, “اۋەندى قازاقستان”, “ماماندىق الەمىندە”, “كىتاپ جاڭالىقتارى”, “قر ۇاك بەرگەن سىيلار” فوتوكورمەلەرىمەن تانىستى. كىتاپتار مەن جۋرنالدار ساتىلدى. اشىق ەسىك كۇنىنىڭ باستى جاڭالىعى – استانا كىتاپحاناشىلارى “تەلەليفت” مونورەلستىك ترانسپورتتىق جۇيەمەن تانىستى. ول جاڭادان ىسكە قوسىلعان جوبا. بۇل جوبانىڭ ناتيجەسىندە ساقتاۋ قور­لارىنان كىتاپتار مەن باسقا دا قۇجاتتار وقۋ زالىنا ساناۋلى مينوتتەردە جەتكىزى­لەدى. ء“TELELىFT” جۇيەسى وقىرماندارعا قىزمەت كورسەتۋ دارەجەسىن ارتتىرۋداعى باستى قادامنىڭ ءبىرى بولىپ سانالادى. ء“TELELىFT” جۇيەسى ورتالىق ازيادا تۇڭعىش رەت ورناتىلىپ وتىر. تمد ەلدەرى­نىڭ ىشىندە قازاقستان “تەلەليفت” ادرەستىك جۇيەسى ەنگىزىلگەن ەكىنشى ەل بولىپ سانالادى. ەڭ ءبىرىنشى بۇل جۇيە بەلو­رۋسسيادا جۇزەگە اسقان. بەلورۋسسيانىڭ ۇلتتىق كىتاپحانا­سىندا ول – 5 جىلدان بەرى قولدانىستا. “تەلەليفت” ۇاك-نىڭ بارلىق زال­دارىن­دا ورناتىلعان. جولىنىڭ ۇزىندىعى – 450 مەتر. ەڭ الشاق ستانتسيالار اراسى – 5 ءمينوتتان اسپايدى. بارلىعى – تراسسادا 16 ستانتسيا جانە اربالاردىڭ باعىتىن وزگەرتۋ ءۇشىن 13 نۇسقاۋشى تەتىك ورناتىلعان. ارباعا 10 كيلوعا دەيىن ادەبيەت تيەلەدى. اربادا قاۋىپسىزدىكتىڭ ەرەجەسى بارىنشا ساقتالعان. ول قايبىر كەڭىستىكتە قوزعالىپ, بۇرىشى قاي جاققا قاراي وزگەرسە دە سەبەتشە اۋىرتپا­لىقتىڭ وزگەرىپ وتىرۋىنا بايلا­نىستى ءبىر قالىپتا بولادى. سوندىقتان كىتاپ­تار قوزعالمايدى جانە ب ۇلىنبەيدى. وقىر­ماننىڭ تاپسىرى­سىن ورىندايتىن كىتاپ ساقتاۋ كىتاپ­حاناشىسى وپەراتورلىق پۋلت ارقىلى قوزعالىستىڭ باعىتىن ءوزى وزگەرتەدى. ءبىر­نەشە ءمينوت وتكەن سوڭ وقۋ زالىنداعى وقىر­مان ءوزى بەرگەن تاپسىرىستى قولىنا الادى. “ەگەمەن-اقپارات”.