34 جاستاعى نيدەرلاندتىڭ ۆەلوشاباندوزى فرانتسيانىڭ وڭتۇستىك وڭىرىندە قونىس تەپكەن كاركاسون مەن كيان قالالارى ارالىعىنداعى 183,7 شاقىرىمدىق قاشىقتىقتى 4 ساعات 16 مينۋت 16 سەكۋندتا ءجۇرىپ ءوتتى. اۋستراليالىق پاتريك كونراد («BORA – hansgrohe») ەكىنشى ورىن السا, كولۋمبيالىق سەرحيو يگيتا («EF Education – Nippo») ءۇشىنشى ساتىعا جايعاستى. بۇل كەزەڭدە «استانا» كلۋبى مۇشەلەرى اراسىندا ومار فرايلە ەڭ ۇزدىك ناتيجەگە قول جەتكىزدى. 30 جاستاعى يسپانيالىق لەگيونەر مارەگە التىنشى بولىپ جەتتى.
جالپى ەسەپتە تادەي پوگاچار («UAE-Team Emirates») جەكە-دارا كوش باستاپ كەلەدى. جەتى كەزەڭ بويى 22 جاستاعى سلوۆەنيالىق سايىپقىراننىڭ الدىنا ەشكىم تۇسە الار ەمەس. ونىڭ ناتيجەسى – 56 ساعات 50 مينۋت 21 سەكۋند. ەكىنشى جانە ءۇشىنشى ورىنداردا – فرانتسيالىق گيوم مارتەن («Cofidis, Solutions Crédits») مەن كولۋمبيالىق ۋران ريگوبەرتو («EF Education - Nippo»). «استانانىڭ» سەركەسى الەكسەي لۋتسەنكو سەگىزىنشى ساتىعا سىرعىپ ءتۇستى. جەرلەسىمىز كوش باسىنداعى سپورتشىدان 6 مينۋت 30 سەكۋند قالىپ كەلەدى.
