يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتىنەن ءمالىم ەتكەندەي, اتالعان جول وتكەن عاسىردىڭ 60-جىلدارىندا سالىنعان. ەلى جىلدان استام ۋاقىت بويى مۇندا تەك اعىمداعى جوندەۋ جۇمىستارى جۇرگىزىلگەن. سوندىقتان سوڭعى ۋاقىتتا اۆتوكولىك جۇرگىزۋشىلەرى تاس جول بويىنداعى اۋىل اراسىنداعى جولدارمەن جۇرۋگە ءماجبۇر بولدى.
«رەكونسترۋكتسيا جوباسى جالپى ۇزىندىعى 304 شاقىرىمدىقجەتى ۋچاسكەنى, سونداي-اق تەمىرجول ارقىلى 11 كوپىر مەن ەكى جول ءوتكەلءىن سالۋدى قامتيدى. بۇل جۇمىس باستالعانعا دەيىن قاندىاعاشتان ماقات اۋىلىنا دەيىنگى جول ۋاقىتى كەم دەگەندە 11-12 ساعاتتى, ال اتىراۋ قالاسىنا دەيىن 14 ساعاتتى قۇراعان ەدى. جاڭعىرتۋ جۇمىستارى اياقتالعاننان كەيىن قاندىاعاشتان ماقاتقا دەيىنگى ءجۇرۋ ۋاقىتى شامامەن 4 ساعاتتى, ال اتىراۋعا دەيىن 6 ساعاتتى قۇرايتىن بولادى» دەپ ءمالىم ەتتى ءباسپاسوز قىزمەتىنەن.
جول قۇرىلىسىنىڭ باس مەردىگەرلەرءى – «توديني», «شانحاي كونستراكشن», «اككورد» بك/«اق جول قۇرىلىس» جانە «انت ينشاات» كومپانيالارى. بيىل بۇل كومپانيالار 1 353 مىڭ توننا اسفالتبەتون توسەۋءى قاجەت. بۇگىنگە دەيىن ونىڭ 1008 مىڭ توننا توسەلدى.
«جوبانى ىسكە اسىرۋعا شامامەن 1000 ادام مەن 680-نەن استام تەحنيكانىڭ جۇمىلدىرىلعان. بۇدان بولەك, جوبا اياسىندا اتىراۋ وبلىسى, ماقات اۋدانىنىڭ دوسسور اۋىلىنا اينالما جول سالىنۋدا. بۇل دوسسور تۇرعىندارى ءۇشىن قاۋىپسىز جاعداي جاسايدى» دەپ حابارلادى ءباسپاسوز قىزمەتى.
اتالعان جوبانى ىسكە اسىرۋ جول بويىنداعى قىزمەت كورسەتۋ نىساندارىن دامىتۋعا, دەمالىس ورىندارىن ۇيىمداستىرۋ ارقىلى جەرگىلىكتى تۇرعىنداردىڭ كاسىپكەرلىك قىزمەتكە بەت بۇرۋىنا وڭ اسەر ەتەدى.
