قالالىق اكىمدىكتە وتكەن كەزدەسۋدە ءماجىلىس دەپۋتاتتارى ەڭ الدىمەن قالانىڭ تازارتۋ قۇرىلىستارى مەن قوقىس پوليگونىنىڭ پروبلەمالارىن كوتەردى.
ايجان سكاكوۆانىڭ ايتۋىنشا, قالانىڭ سارقىندى سۋى بالقاشتان 25 شاقىرىم جەردە ورنالاسقان سۋ جيناعىش توعانعا ەش تازارتۋسىز اعىپ جاتىر. كارىز تازارتۋ قۇرىلىستارىن سالۋ 6,8 ميلليارد تەڭگەگە باعالانىپ وتىر, ال قالا بيۋدجەتىنىڭ بارلىق كىرىسى 6,5 ميلليارد تەڭگەنى قۇرايدى. جەرگىلىكتى بيلىك تازارتۋ قۇرىلىستارىن باستاۋ ءۇشىن سىرتقى قارىزداردى تارتۋدى جوسپارلاپ وتىر.
قالا تۇرعىندارى ءۇشىن تاعى ءبىر وزەكتى ماسەلە – 2015 جىلى ءوزىنىڭ الەۋەتتى قۋاتىن وندىرگەن كوممۋنالدىق قالدىقتاردىڭ قوقىس پوليگونى. جاڭاسىن سالۋ ءۇشىن ازىرگە تەك تەحنيكالىق-ەكونوميكالىق نەگىزدەمە ازىرلەندى. دەپۋتاتتاردىڭ پىكىرىنشە, ماسەلە بالقاش - تۋريستىك قالا ەكەندىگىمەن كۇردەلەنە تۇسەدى جانە ونى تۇرعىندار مەن كەلۋشى تۋريستەردىڭ مۇددەسى ءۇشىن دامىتۋ قاجەت.
ءماجىلىس دەپۋتاتتارى جولداردى جوندەۋ, كولىك ينفراقۇرىلىمىن دامىتۋ قاجەتتىلىگىنە ەرەكشە نازار اۋداردى.
«ايگىلى كولى بار قالا ءتۋريزمدى دامىتۋ بويىنشا ون ايماقتىڭ قاتارىنا كىرەدى. قالانى ءتۋريزمدى دامىتۋ ەسەبىنەن ەكونوميكالىق ءوسۋ نۇكتەسى رەتىندە تۇسىنۋگە دەگەن كوزقاراستى تۇجىرىمدامالىق تۇرعىدان وزگەرتۋ قاجەت. تيىسىنشە, ماسەلەلەردىڭ كەشەندى تۇردە شەشىلۋىن قامتاماسىز ەتۋ قەرەك», دەپ ەسەپتەيدى ءماجىلىس دەپۋتاتى ەرلان سمايلوۆ.
سونىمەن قاتار جاس جانە كوپبالالى وتباسىلاردى تۇرعىن ۇيمەن قامتاماسىز ەتۋ, حالىقتىڭ الەۋمەتتىك وسال توپتارىن قولداۋ, ساياق كەنتىن سۋمەن قامتاماسىز ەتۋ ماسەلەلەرى دە كوتەرىلدى.
