وقيعا • 09 شىلدە، 2021

قاراعاندى تۇرعىنىن بانك الدىندا توناپ كەتكەن قاراقشىلار ۇستالدى

32 رەت كورسەتىلدى

قاراعاندىلىق پوليتسەيلەر بانك الدىندا تۇرعىندى توناپ كەتكەن كۇدىكتىلەردى ۇستادى، دەپ حابارلايدى Egemen.kz Polisia.kz سايتىنا سىلتەمە جاساپ.

30 ماۋسىم كۇنى ساعات 20:00 شاماسىندا قاراعاندى قالاسى پب جەدەل باسقارۋ ورتالىعىنا حابارلاما كەلىپ تۇسكەن، قالاداعى بانكتەردىڭ ءبىرىنىڭ الدىنداعى تۇراقتا ەكى بەلگىسىز ادام كۇش قولدانۋ ارقىلى تۇرعىننىڭ 500 مىڭ تەڭگەسىن الىپ كەتكەن.

وقيعا ورنىنا ميحايلوۆ پوليتسيا ءبولىمىنىڭ، قاراعاندى قالاسى پوليتسيا باسقارماسىنىڭ جانە قاراعاندى وبلىسى پد جەدەل-تەرگەۋ توپتارى كەلىپ، ءمان-جايدى تەكسەرگەن.

انىقتالعانداي، قاراعاندىنىڭ 59 جاستاعى تۇرعىنى ازىق-ت ۇلىك تاۋارلارىن ساتاتىن ساۋدا كاسىپورنىندا مەنەدجەر بولىپ جۇمىس ىستەيدى. سول كۇنى ول كوتەرمە ساۋدا ۇيىمىنان جەتكىزىلگەن ءونىم ءۇشىن 20 ميلليون تەڭگە الىپ، اقشانى باس كەڭسەگە اۋدارۋ ءۇشىن بانككە بارعان.

ەر ادام قارجى مەكەمەسىنە كىرە بەرىستە توقتاپ، كولىكتەن تۇسپەك بولعان ساتىندە ەكى جىگىت جۇگىرىپ كەلىپ، اۆتوكولىك ەسىكتەرىن اشىپ، مەنەدجەردىڭ قولىنداعى اقشا سالىنعان پاكەتتى ج ۇلىپ الماق بولعان. بىراق ەر ادامنىڭ قاتتى قارسىلىق كورسەتۋىمەن ولار پاكەتتى جىرتىپ، جەرگە تۇسكەن بۋما اقشانى عانا وزدەرىمەن الىپ كەتكەن. شىعىن كولەمى 500 مىڭ تەڭگەنى قۇرادى.

«ەر ادام پوليتسياعا وقيعادان ءۇش ساعات وتكەن سوڭ عانا جۇگىندى. ونىڭ ايتۋىنشا، ول الدىمەن قالعان اقشانى باس كەڭسەگە جىبەرۋدى كوزدەگەن. اتالمىش ۋاقىت ىشىندە كۇدىكتىلەر قالادان كەتىپ ۇلگەردى. ءبىز ولاردى شىعىس قازاقستان وبلىسىنىڭ اۋماعىندا انىقتادىق. ەكى وبلىستىڭ پوليتسەيلەرى بىرلەسىپ جۇمىس ىستەپ، ءۇش كۇدىكتىنى ۇستادىق»،  دەدى قاراعاندى قالاسى پب كپب باستىعى ەسكەندىر Əۋبəكىروۆ.

كۇدىكتىلەر – قاراعاندى قالاسىنىڭ 22-28 جاس ارالىعىنداعى تۇرعىندارى. ولارعا قاتىستى سوت قاماۋدا ۇستاۋ تۇرىندەگى بۇلتارتپاۋ شاراسىن سانكتسيالادى. سوتقا دەيىنگى تەرگەۋ «قاراقشىلىق» بابى بويىنشا جۇرگىزىلۋدە.

سوڭعى جاڭالىقتار

جەردى سۇيگەندى ەلى دە سۇيەدى

ايماقتار • بۇگىن، 23:16

ەلوردا كۇنىنە تارتۋ

تەاتر • بۇگىن، 23:15

جالعىز قولدى شەبەر

ونەر • بۇگىن، 23:13

ۇقساس جاڭالىقتار