ايماقتار • 09 شىلدە، 2021

پاۆلودار وبلىسىندا اراب ۆاكتسيناسى تاۋسىلدى

19 رەت كورسەتىلدى

بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسى ايدار سيتقازينوۆ ايتتى، دەپ جازادى Egemen.kz Pavlodarnews.kz سايتىنا سىلتەمە جاساپ.

وڭىرلىك كوممۋنيكاتسيالار قىزمەتىندە سويلەگەن ول وبلىستا ەكپە قابىلداعانداردىڭ 450 مىڭنان اسقانىن ايتتى. ءوڭىر حالقىنىڭ 35 پروتسەنتى پرەپاراتتىڭ 1-كومپونەنتىن، 19 پروتسەنتى – 2-كومپونەنتىن قابىلدادى. ۆاكتسيناتسيا قارقىنى وسكەن. قازىرگى كەزدە كۇن سايىن 3-6 مىڭ ادام ەگىلۋدە.

- «Hayat-ءVaح» بىتتى دەۋگە بولادى، بىرەر دوزالار قالماسا. ونىڭ ەكى دوزاسىن قوسقاندا نەبارى 40 مىڭ داناسى عانا بولدى. ول ءبىر-اق رەت اكەلىندى. قاشان جەتكىزىلەتىنى بەلگىسىز، - دەيدى ايدار سيتقازينوۆ. 

ايدار سيتقازينوۆتىڭ ايتۋىنشا، قىتايدىڭ «CoronaVac» پرەپاراتىمەن دە جاعداي ۇقساس. ونىڭ توعىز مىڭ دوزاسى قالدى. سول سەبەپتى، ەكپە كابينەتتەرىندە قازاقستاندىق «QazVac» جانە رەسەيلىك «سپۋتنيك V» عانا قالۋى مۇمكىن. 

وبلىستىق دەنساۋلىق ساقتاۋ باسقارماسىنىڭ وكىلدەرى ۆاكتسيناتسيانىڭ ادامنىڭ جەكە تاڭداۋى ەكەندىگىن قايتالاپ ايتتى.

- ەكپە وڭدى-سولدى قويىلمايدى، دارىگەرلەر قارسى كورسەتىلىمدەرگە مىندەتتى تۇردە قارايدى. №31 قاۋلىعا سايكەس، 15 شىلدەگە دەيىن قىزمەت كورسەتۋ سالاسىنىڭ وكىلدەرى ەكپەنىڭ 1-كومپونەنتىن قابىلداۋى ءتيىس. ودان كەيىن سانەپيدەميالىق باقىلاۋ دەپارتامەنتى ۇيىمداردى تەكسەرە باستايدى. وندا كەيبىر سانكتسيالار سالىنۋى مۇمكىن، - دەيدى ايدار سيتقازينوۆ. 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار