سەسسياعا قىزىلوردا وبلىستىق قازاقستان حالقى اسسامبلەياسىنىڭ مۇشەلەرى, قىزىلوردا قالاسىنىڭ اكىمى, اۋدان اكىمدەرى, ەتنومادەني بىرلەستىكتەردىڭ باسشىلارى مەن بەلسەندىلەرى, مەملەكەتتىك مەكەمەلەر جانە ۇكىمەتتىك ەمەس ۇيىمدار, وبلىستىق اسسامبلەيا قۇرىلىمدارى مەن بۇقارالىق اقپارات قۇرالدارىنىڭ وكىلدەرى قاتىستى.
مازمۇندى جيىن مودەراتورى وبلىس اكىمىنىڭ ورىنباسارى, وبلىستىق قازاقستان حالقى اسسامبلەياسى توراعاسىنىڭ ورىنباسارى سەرىك احمەت بولدى.
جيىن بارىسىندا وبلىستىق قحا توراعاسىنىڭ جاڭا ورىنباسارىن قوعامدىق نەگىزدە بەكىتۋ, قحا ءححىح سەسسياسىنىڭ قورىتىندىسى بويىنشا قازاقستان حالقى اسسامبلەياسىنىڭ مىندەتتەرىن ناقتىلاۋ سياقتى ماسەلەلەر تالقىلاندى.
سەسسيا سپيكەرلەرى بولىپ قازاقستان حالقى اسسامبلەياسىنىڭ مۇشەسى, وبلىستىق ءماسليحات حاتشىسى ناۋرىزباي بايقاداموۆ, وبلىستىق قحا توراعاسىنىڭ قوعامدىق نەگىزدەگى ورىنباسارى, وبلىستىق نەمىس ەتنومادەني بىرلەستىگىنىڭ جەتەكشىسى يرينا شەك, وبلىستىق قحا جانىنداعى ۆولونتەرلەر ورتالىعىنىڭ جەتەكشىسى, وبلىستىق تاتار ەتنومادەني بىرلەستىگىنىڭ مۇشەسى يلدار گافۋروۆ, وبلىستىق پەريناتالدىق ورتالىعىنىڭ باس دارىگەرى ولەگ كيم, وبلىستىق قحا مۇشەسى, وبلىستىق ءماسليحات دەپۋتاتى ديلفۋرا بايراحتاروۆا ءسوز سويلەدى.
سپيكەرلەر بەيبىتشىلىك پەن كەلىسىم, ۇلتتىق قۇندىلىقتار, الەۋمەتتىك ماسەلەلەر, قوعامدىق دامۋ ماسەلەلەرى بويىنشا وي-پىكىرلەرىمەن ءبولىستى.
وبلىس اكىمى گۇلشارا ابدىقالىقوۆا سەسسيانى قورىتىندىلاي كەلە, ەلباسى توراعالىعىمەن وتكەن «بىرلىكتىڭ, تاتۋلىق پەن كەلىسىمنىڭ 30 جىلى» قازاقستان حالقى اسسامبلەياسىنىڭ ءححىح سەسسياسىندا بەلگىلەنگەن مىندەتتەر بويىنشا بىرقاتار تاپسىرمالاردى ورىنداۋدى جۇكتەدى.
