Astana Hub تەحنوپاركىنىڭ ونلاين پلاتفورماسىندا باعدارلامالارعا قاتىسۋعا وتىنىمدەردى قابىلداۋدان باستاپ, سالىقتىق جانە ۆيزالىق پرەفەرەنتسيالار الاتىن تەحنوپارك رەزيدەنتتەرى ءۇشىن ونلاين ەسەپتىلىكتى تولتىرۋعا دەيىنگى بارلىق ءىرى جانە ۇساق پروتسەستەر اۆتوماتتاندىرىلعان.
قر تسيفرلىق دامۋ جانە اەروعارىش ونەركاسىبى ءمينيسترى باعدات مۋسين ءوزىنىڭ العى سوزىندە 3 جىل ىشىندە تەحنوپاركتە مىڭنان استام تەحنولوگيالىق كاسىپكەرلەر مەن ارنايى سالىق جانە ۆيزالىق رەجيمدەردىڭ 507 قاتىسۋشىلارىنان تۇراتىن قاۋىمداستىق قۇرىلعانىن اتاپ ءوتتى. بۇگىنگى تاڭدا Astana Hub 12 ميلليوننان استام پايدالانۋشىنى قامتيدى. تەحنوپارك ستارتاپ-يندۋستريانىڭ وزەگى جانە ءارتۇرلى دەڭگەيدەگى تەحنولوگيالىق كاسىپكەرلەر ءۇشىن مۇمكىندىكتەر ورتالىعى بولىپ سانالادى.
تسيفرلىق astanahub.com تەحنوپاركى - بۇل قازاقستاننىڭ IT-سالاسىنىڭ بارلىق قاتىسۋشىلارىنىڭ online-قۇرالدارى مەن كوممۋنيكاتسيالارىنىڭ بىرىڭعاي پلاتفورماسى. ول وقۋشىلار, فريلانسەرلەر, ستارتاپەرلەر, IT-كومپانيالار, ينۆەستورلار, كورپوراتسيالار مەن مەملەكەتتىك ورگاندارى كىرەتىن كەڭ ماقساتتى اۋديتورياعا ەسەپتەلگەن. ولاردىڭ ارقايسىسى تاپسىرىستى الۋدان باستاپ ينۆەستيتسيالاردى تارتۋعا دەيىن كەز-كەلگەن ماسەلەلەردىڭ شەشىمىن تابادى. پلاتفورمانىڭ ەكوجۇيەسىندە ءىس-شارالار, قىزمەتتەر, جاڭالىقتار, بلوگ, بوس جۇمىس ورىندارى, IT-باستامالارى بار. سونىمەن قاتار, كەز كەلگەن ءبىلىم بەرۋ نەمەسە بيزنەس باعدارلاماسىنا تىركەلۋگە, ءوتىنىمدى قاشىقتىقتان بەرۋگە, ال قولدانۋشىعا ۇيدەن شىقپاي-اق ەسەپ تاپسىرۋعا بولادى.
Astana Hub باس ديرەكتورى ماعجان ماديەۆ جۇمىستىڭ ارالىق قورىتىندىلارى تۋرالى ايتىپ, وتاندىق ستارتاپ مادەنيەتتى دامىتۋداعى ءبىلىم بەرۋ باعدارلامالارى, وڭىرلەردى دامىتۋ, رەزيدەنتتەر ءۇشىن ەكسپورت مۇمكىندىكتەرىمەن تانىستىردى.
بيىلعى جىلدىڭ كۇزىنە قاراي Astana Hub ەرتە ساتىداعى ستارتاپتار ءۇشىن ولاردىڭ كەلەسى دەڭگەيگە كوتەرىلۋىنە كومەكتەسۋ ءۇشىن 5 ميلليوننان 20 ميلليون تەڭگەگە دەيىنگى قارجىلاندىرۋ جۇيەسىن ىسكە قوسادى. باعدارلاماعا قاتىسۋشىلار ساراپشىلاردىڭ سۇيەمەلدەۋىنە يە بولىپ, ساتسىزدىك تاۋەكەلدەرىن ەداۋىر ازايتادى. بارلىق پروتسەسس تولىعىمەن ساندىق فورماتتا, ونىڭ ىشىندە ەسەپتىلىكتە بولادى.
Astana Hub-تىڭ باستى ماقساتى - تەحنولوگيالىق ونىمدەردىڭ ەكسپورتتىق الەۋەتىن دامىتۋ جانە سسى باعىتتا 2025 جىلعا قاراي 500$ ملن كورسەتكىشكە قول جەتكىزۋ. قازىرگى كەزدە ستارتاپتار 34,5 ملرد تەڭگە تارتتى. حابقا قاتىسقان كومپانيالاردىڭ جالپى تابىسى 98,9 ملرد تەڭگەنى قۇرايدى.
3 جىل ىشىندە تەحنوپاركتە 10 000-نان استام ادام وقىپ, 6 138 جۇمىس ورنى اشىلدى.
وتكەن جىلدان باستاپ حاب ءوزىنىڭ ءبىلىمى مەن تاجىريبەسىن قازاقستاننىڭ بارلىق وڭىرلەرىنە تاراتا باستادى.
