باقىتجان تۇرلىبەكوۆ ەڭبەك جولىن دارىندى بالالارعا ارنالعان جاۋتىقوۆ اتىنداعى رەسپۋبليكالىق مامانداندىرىلعان فيزيكا-ماتەماتيكا مەكتەبىندە باستادى.
2009-2013 جىلدار ارالىعىندا قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتۇرلى قۇرىلىمدىق بولىمشەلەرىندە قىزمەت اتقارعان.
2013 جىلدىڭ تامىزىنان 2019 جىلدىڭ تامىزىنا دەيىن NewTimes.kz, Sn.kz اقپاراتتىق اگەنتتىكتەرى مەن «كوررەسپوندەنت» گازەتىن باسقاردى.
جوعارى ءبىلىمى بار, ورتالىق ازيا ۋنيۆەرسيتەتىندە قازاق ءتىلى مەن ادەبيەتى ماماندىعىن, ءال-فارابي اتىنداعى قازاق ۇلتتىق ۋنيۆەرسيتەتىندە پسيحولوگيا ماماندىعىن, «استانا» ۋنيۆەرسيتەتىندە زاڭگەر ماماندىعىن مەڭگەرگەن.
مەكتەپ وقۋشىلارى اراسىندا باتىرلار جىرىن جاتقا ايتۋدان «تۇلپار ءمىنىپ, تۋ العان» رەسپۋبليكالىق اعارتۋ جوباسىنىڭ نەگىزىن قالاۋشى. سونىمەن قاتار ۇزىندىعى 1000 شاقىرىمنان تۇراتىن «حان كەنەنىڭ ىزىمەن: تاعدىرلى تورعايدان سىرلى سوزاققا» اتتى ەكسترەمالدى ەكسپەديتسياسىنىڭ اۆتورى جانە قاتىسۋشىسى.
ۇيلەنگەن, 5 بالاسى بار. «Qazaq Epos» قوعامدىق قورىنىڭ نەگىزىن قالاۋشى جانە ديرەكتورى.
