«رەسەي فەدەراتسياسىنىڭ باس سانيتارلىق دارىگەرىنىڭ قاۋلىسىنداعى وزگەرىستەرگە سايكەس, ەۋرازيالىق ەكونوميكالىق وداققا مۇشە مەملەكەتتەردىڭ ازاماتتارى 10 شىلدەدەن باستاپ رەسەيدىڭ مەملەكەتتىك شەكاراسىنان وتكەن كەزدە «Covid-19-سىز ساياحاتتايمىن» ءموبيلدى قوسىمشاسىن قولدانا وتىرىپ, پتر تەستىنىڭ تەرىس ناتيجەسىن كورسەتۋ كەرەك», دەلىنگەن حابارلامادا.
ۆەدومستۆودا قازاقستاندىقتار «Covid-19-سىز ساياحاتتايمىن» قوسىمشاسىن پايدالانا الاتىن الگوريتم سيپاتتالعان:
- قوسىمشانى جۇكتەۋ.
- باعدارلاما ۇسىنعان تىزىمنەن ەڭ جاقىن زەرتحانانى تاڭداۋ.
- پتر-سىناعىن تاپسىرعاننان كەيىن ناتيجەنى QR-كودتى سكانەرلەۋ كومەگىمەن «تەستتەر» بولىمىنە جۇكتەۋ كەرەك (ونى زەرتحانا بەرەدى).
- جۇكتەلگەن QR-كودتى شەكارا قىزمەتىنىڭ قىزمەتكەرلەرىنە كورسەتۋ.
«Covid-19-سىز ساياحاتتايمىن» قوسىمشاسى قازاقستاندىقتار ءۇشىن 7 ماۋسىمنان باستاپ قولجەتىمدى بولدى. ول ەاەو ەلدەرىنە كىرۋدى جەڭىلدەتۋگە ارنالعان. پلاتفورمانىڭ كومەگىمەن كوروناۆيرۋسقا تالداۋ جاساۋ ءۇشىن ەڭ جاقىن زەرتحانالاردى تابۋعا بولادى. سىناق ناتيجەسى QR-كود تۇرىندە كەلەدى, ول ازاماتتاردىڭ جۇيەدەن تىركەلگەن ەلدەرگە كىرۋىنە مۇمكىندىك بەرەتىن ينتەگراتسيالانعان اقپاراتتىق جۇيەگە ەنگىزىلەدى.
