«پوليتسيا دەپارتامەنتى تىيىم سالىنعان جەرلەردە شومىلۋ, اۋىزسۋ جانە تۇرمىستىق قاجەتتىلىككە سۋ الۋ, مال سۋارۋ, شاعىن كولەمدى كەمەلەرمەن جانە باسقا دا جۇزەتىن قۇرالدارمەن ءجۇزۋ سياقتى ورتالىق سۋ پايدالانۋ قاعيدالارىن بۇزعانى ءۇشىن قازاقستان رەسپۋبليكاسىنىڭ اكىمشىلىك قۇقىق بۇزۋ تۋرالى كودەكسىنىڭ 364-بابى بويىنشا اكىمشىلىك جازا كوزدەلگەنىن ەسكەرتەدى.
ءبىرىنشى رەتتە اكىمشىلىك ەسكەرتۋ تۇرىندە جازا قولدانىلادى. ءبىر جىلدىڭ ىشىندە قايتالانسا, جەكە تۇلعالارعا 2 اەك مولشەرىندە ايىپپۇل سالۋعا اكەپ سوعادى», دەدى پوليتسيا دەپارتامەنتىنىڭ وكىلى.
ونىڭ سوزىنشە, جىل باسىنان بەرى اتالعان قۇقىق بۇزۋشىلىق جاساعان 168 تۇلعا اكىمشىلىك جاۋاپقا تارتىلعان.
«سونىمەن قاتار قوعامدىق قاۋىپسىزدىكتى قامتاماسىز ەتۋ, تىنىشتىقتى بۇزباۋ, قوعامدىق جەرلەردە الكوگولدىك ىشىمدىك ىشپەۋ, قالالار مەن ەلدى مەكەندەردىڭ اۋماعىن اباتتاندىرۋ قاعيدالارىن بۇزباۋعا شاقىرامىز», دەدى ازامات سادىقوۆ.
