اقمولالىقتار اق تىلەگىن جولدايدى

“نۇر وتان” حالىقتىق-دەمو­كرا­تيالىق پارتياسى اقمولا وب­لىس­تىق فيليالىنىڭ ۇيىتقى بولۋىمەن ال­ما­تى وبلىسىنداعى قىزىلاعاش اۋى­لى جانە شىعىس قازاقستان وبلى­سىن­داعى سۋ تاس­قىنىنان زار­داپ شەك­كەن تۇرعىن­دارعا ماتەريال­دىق كومەك كور­سەتۋ شارالارى ودان ءارى جالعاسىن تابۋدا. فيليال توراعاسىنىڭ ورىنبا­سا­رى دۋلات جۇرىمباەۆتىڭ بىزگە بەر­گەن مالىمەتىندە قىزىلاعاشتىق باۋىر­لارعا ءبىر ۆاگون كيىم-كەشەك پەن ازىق-ت ۇلىك جونەلتىلگەنى ايتى­لادى. سونداي-اق, جاڭا اۋىل قۇرى­لى­سىنا ماتەريالدار مەن تەحنيكالار ءجو­نەل­تىلگەن. ونىڭ ىشىندە بۋراباي­داعى زاۋىتتان قۇنى 1 ميلليون تەڭگەلىك 20 بۋ قازاندىعىنىڭ جەت­كىزىلۋى تىرشىلىك ءسانىن تۇزەتە تۇسپەك. دۋلات كاكىمبەك ۇلى, سونداي-اق, شىعىس قازاقستان وبلىسىنا ازىق-ت ۇلىك, جىلى كيىم, توسەك-ورىن تيەل­گەن العاشقى ۆاگوننىڭ جولعا شىق­قانىن حابارلادى. بۇل تاۋار­لاردى جي­ناۋعا وزگەلەرمەن بىرگە بۋراباي اۋ­دانىنداعى “بوگۆي” جانە “سپ اگروسەرۆيس” جاۋاپكەرشىلىگى شەك­تەۋلى سەرىكتەستىكتەرى, جاڭادان قۇرىل­عان “ارلان” حوككەي كلۋبى سۇبەلى ۇلەس قوس­تى. يگىلىكتى ىستەن ەشكىم دە شەت قال­­ماۋدا. ماسەلەن, كوكشەتاۋ قالا­سى­نىڭ 82 جاستاعى تۇرعىنى نادەجدا بو­ريسوۆا ءوز قولىمەن توقىعان جىلى كيىمدەردى, ازىن-اۋلاق ازىق-ت ۇلىگى مەن جەمىس قايناتپالارىن الىپ كەل­گەن­دەگى تولعانىستى سوزبەن جەتكىزۋ قيىن. باقبەرگەن امالبەك,  اقمولا وبلىسى.