ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى نۇر-سۇلتان قالاسى پد اكىمشىلىك پوليتسيا باسقارماسىنىڭ كەلىسىمىمەن م.اۋەزوۆ جانە ج.وماروۆ كوشەلەرىنىڭ قيىلىسىندا بيىكتەتىلگەن جاياۋ جۇرگىنشىلەر وتكەلىن ورناتۋ جۇمىستارىن باستادى. وسىعان بايلانىستى 8-9 شىلدە كۇندەرى اباي داڭعىلىنان س.سەيفۋللين كوشەسىنە دەيىنگى ارالىقتاعى اۋەزوۆ كوشەسى كولىك قوزعالىسى ءۇشىن ءىشىنارا جابىلاتىن بولادى.
ال 9-20 شىلدە ارالىعىندا وسى ۋچاسكەدە اۆتوكولىك قۇرالدارى ءۇشىن قوزعالىس تولىعىمەن جابىلادى.
«قالا جولدارىندا كەپتەلىس تۋدىرماس ءۇشىن ەلوردا تۇرعىندارى مەن قوناقتارى قوزعالىس باعىتىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىنىڭ جۇرگىزىلۋىنە تۇسىنىستىكپەن قاراۋدى وتىنەمىز», دەپ جازىلعان كولىك باسقارماسىنىڭ حابارلاماسىندا.
