قوعام • 08 شىلدە, 2021

رەجيسسەر ساتىبالدى نارىمبەتوۆ ومىردەن ءوتتى

1192 رەت

كورسەتىلدى

1 مين

وقۋ ءۇشىن

قازاقستاننىڭ ەڭبەك سىڭىرگەن قايراتكەرى, رەجيسسەر جانە اكتەر ساتىبالدى نارىمبەتوۆ 75 جاسىندا ومىردەن ءوتتى, دەپ حابارلايدى Egemen.kz.

گاۋھار قاپاش

رەجيسسەر ساتىبالدى نارىمبەتوۆ ومىردەن ءوتتى

قايعىلى حاباردى مادەنيەت مينيسترلىگى راستادى. مينيسترلىك مالىمەتىنشە, ساتىبالدى نارىمبەتوۆا بۇگىن, 8 شىلدەدە تاڭەرتەڭ ومىردەن وتكەن.

ساتىبالدى نارىمبەتوۆ 1946 جىلى 7 ناۋرىزدا تۇركىستان وبلىسى, تۇركىستان اۋدانى, اششىساي اۋىلىندا تۋعان. ماسكەۋ قالاسىنداعى مەملەكەتتىك كينەماتوگرافيا ينستيتۋتىن بىتىرگەن. 1984 جىلى جوعارى رەجيسسەرلىك كۋرستى (گ.ن. دانەليانىڭ شەبەرحاناسى بويىنشا) بىتىرگەن. 1969 جىلدان «قازاقفيلم» ستۋدياسىندا ستسەناريشى ءارى كينورەجيسسەر رەتىندە قىزمەت ەتتى. 1970 جىلدان - «قازاقفيلم» كينوستۋدياسىنىڭ كينورەجيسسەرى بولدى. ال 2005 جىلدان بەرى شاكەن ايمانوۆ اتىنداعى «قازاقفيلم» اق «دەبيۋت» بىرلەستىگىنىڭ جەتەكشىسى بولعان ەدى.

«قۇرمانعازى» اتتى دەرەكتى ءفيلمىن (1972 جىلى), «زاۋال» (1981 جىلى), «كۇزگى بۇرالاڭ جول» (1984 جىلى) قىسقا مەتراجدى ءفيلمى, «ۇرىن كەلگەن كۇيەۋ» (1987 جىلى), «سوزاقتان شىققان گاملەت» (1990 جىلى), «كوزىمنىڭ قاراسى», «جاس اككوردەونشىنىڭ ءومىربايانى» (1994 جىلى), «ومپا» (1998 جىلى) جانە تاعى باسقا كوركەم فيلمدەرگە رەجيسسەرلىك ەتكەن.