ددۇ-نىڭ ديرەكتورى تەدروس ادحانوم گەبرەيەسۋستىڭ ايتۋىنشا, «دەلتا» شتامىنىڭ تارالۋى – پاندەميانىڭ قاۋىپتى كەزەڭى. COVID-19 ۆيرۋسىنىڭ بۇل مۋتاتسياسى الەمنىڭ 100-گە تارتا مەملەكەتىندە تىركەلىپ وتىر.
ددۇ-نىڭ باسشىسى الەمدىك قوعامداستىقتى ۆاكتسينا جەتكىزۋگە كومەك كورسەتۋگە, سول ارقىلى ادامزاتقا ورتاق ۇجىمدىق يممۋنيتەت قالىپتاستىرۋدى جىلدامداتۋعا شاقىردى.
ددۇ-نىڭ دابىل قاعۋى بەكەر ەمەس. گەرمانيادا كوروناۆيرۋستىڭ تارالۋى ءورشىپ بارادى. روبەرت كوح اتىنداعى ينستيتۋتتىڭ مالىمەتىنە سۇيەنسەك, كۇندەلىكتى انىقتالعان ناۋقاستار سانى مىڭعا جاقىنداپ قالعان. جالپى, ەپيدەميا باستالعاننان بەرى 3,7 ميلليون گەرمانيالىق ناۋقاستانعان.
وسى ورايدا, گەرمانيا بيلىگى «دەلتا» شتامىنان قورعانۋ ءۇشىن كومبيناتسيالانعان ەكپە الۋعا شاقىرىپ وتىر. گەرمانيانىڭ ۆاكتسينالاۋ جونىندەگى تۇراقتى كوميسسياسى ء ارتۇرلى ءتيپتى – مرنك-ۆاكتسينا جانە ۆەكتورلى ۆاكتسينانىڭ ەكى ءتۇرىن دە سالدىرۋعا رەسمي تۇردە كەڭەس بەرەدى. بۇل ەلدىڭ دەنساۋلىق ساقتاۋ ءمينيسترى يەنس شپان مۇنداي ەكپە الۋ ءتاسىلىن «اسا ۇتىمدى» دەپ مالىمدەدى.
ماسكەۋدە ىندەت سالدارىنان جانساقتاۋ بولىمىنە تۇسكەن ناۋقاستاردىڭ سانى كوبەيىپ بارادى. ەكى اپتانىڭ ىشىندە وكپەنى جاساندى جولمەن جەلدەتۋ اپپاراتىنا قوسىلعان ناۋقاستار قاتارى ەكى ەسەگە دەيىن ارتتى. قازىرگى ۋاقىتتا ماسكەۋدە 709 پاتسيەنت ءوجج اپپاراتىنا قوسىلعان.
رەسەي عىلىم اكادەمياسىنىڭ اكادەميگى ۆاديم پوكروۆسكيدىڭ سوزىنە سۇيەنسەك, رەسەيدەگى كوروناۆيرۋس پاندەمياسى ەل تۇرعىندارىنىڭ توپتىق يممۋنيتەتى قالىپتاسقان سوڭ عانا اياقتالماق. وعان التى اي ىشىندە قول جەتكىزۋگە مۇمكىندىك بار.
فرانتسيادا 7 شىلدەدەن باستاپ شەتەلدىك ازاماتتار پتر تەستىن تاپسىرۋ ءۇشىن اقى تولەيتىن بولادى. بۇل تۋرالى فرانتسيا ۇكىمەتىنىڭ وكىلى گابريەل اتتال مالىمدەدى. پتر تەست ءۇشىن شەتەلدىكتەر 49 ەۋرو, ال SARS-CoV-2 انتيگەندەرىنە ارنالعان تەست ءۇشىن 29 ەۋرو تولەۋى كەرەك. قازىرگى ۋاقىتتا فرانتسيادا مۇنداي تالداۋلار تەگىن جاسالادى.
تۇركيادا وتكەن جىلدىڭ قاراشا ايىندا سOVID-19 ينفەكتسياسىنىڭ تارالۋىنا بايلانىستى ەنگىزىلگەن كومەندانتتىق ساعات 1 شىلدەدە ءوز كۇشىن تولىعىمەن جويدى. الايدا ەلدە بەتپەردە كيۋ مىندەتى ءالى الىنعان جوق. سونداي-اق قوعامدىق ورىندارعا بارۋ ءۇشىن تۇرعىندارعا QR-كود الۋ قاجەت. تۇركيانىڭ دەنساۋلىق ساقتاۋ مينيسترلىگىنىڭ مالىمەتىنشە, پاندەميا باستالعاننان بەرى ەلدە 5,5 ملن-عا جۋىق تۇرعىن ناۋقاستانعان.
لاتۆيانىڭ مەملەكەتتىك جەدەل مەديتسينالىق كوميسسياسى كوروناۆيرۋس ينفەكتسياسىنىڭ تارالۋىنا بايلانىستى جاريالانعان مەديتسينالىق توتەنشە جاعدايدىڭ كۇشىن جويدى. بۇل تۋرالى ەل ۇكىمەتىنىڭ ءباسپاسوز قىزمەتى مالىمدەدى.
دەنساۋلىق ساقتاۋ ءمينيسترى دانيەل ءپاۆليۋتستىڭ مالىمدەۋىنشە, اۋرۋحانالارداعى جانە دەنساۋلىق ساقتاۋ جۇيەسىندەگى جاعداي مۇقيات تالدانىپ, قاناعاتتانارلىق دەپ تانىلدى. اۋرۋحانالاردا ىندەتكە شالدىققان ناۋقاستار سانى ەداۋىر ازايعان.
