قمدب قالا تۇرعىندارىنا ءوز اتىنان قاشىقتان قۇرباندىق شالۋ قىزمەتىنە تاپسىرىس بەرۋدى ۇسىندى.
«بيىل قۇرباندىق شالۋ ءراسىمىن ەكى جولمەن جۇزەگە اسىرۋدى ۇسىندىق. سانيتاريالىق تالاپتاردى قاتاڭ ساقتاي وتىرىپ, مەملەكەتتىك سانيتاريالىق-ەپيدەميولوگيالىق قاداعالاۋ ورگاندارىنان ءراسىمدى وتكىزۋگە رۇقساتى بار جەرگىلىكتى قاساپحانالاردا وفلاين رەجيمدە جانە شاريعات ەرەجەلەرىنە سايكەس qurban2021.kz سايتى ارقىلى ونلاين رەجيمىندە قۇربان شالا الاسىزدار», دەلىنگەن حابارلامادا.
قمدب كارانتين جاعدايىندا قالادا تۇراتىن تۇرعىندار ءۇشىن ءوز اتىنان قۇرباندىق شالۋ قىزمەتىنە قاشىقتان تاپسىرىس بەرۋ - ەڭ جاقسى شەشىم ەكەنىن اتاپ ءوتتى.
«شاريعات ەرەجەلەرىنە سايكەس, مۇسىلمان باسقا مۇسىلمانعا ونىڭ اتىنان بىردەڭە جاساۋعا رۇقسات بەرە الادى. بىردە پايعامبار حاكيم يبن حيزامعا جانۋاردى ءوز اتىنان قۇرباندىققا شالۋدى بۇيىردى. قۇربان شالۋدى ۋاكىلەتتى تۇلعا ارقىلى جۇزەگە اسىرۋعا بولاتىندىعىن وسى جاعدايدان انىق كورۋگە بولادى», دەلىنگەن قمدب جاريالاعان حابارلامادا.
وتكەن جىلى كارانتينگە بايلانىستى قمدب قۇربان شالۋعا ارنالعان ارنايى سايتتى ىسكە قوستى. وندا قازاقستاندىقتار قۇرباندىق شالۋ ءراسىمىن ونلاين رەجيمىندە وتكىزۋگە ءوتىنىم راسىمدەي الادى. تاپسىرىس بەرۋشى قىزمەتكە اقى تولەپ, فوتو جانە بەينە ەسەبىن سۇراي الادى.
