اۋا رايى • 06 شىلدە، 2021

الماتىدا اۋا رايىنا بايلانىستى ەسكەرتۋ جاريالاندى

180 رەت كورسەتىلدى

الماتى قالالىق توتەنشە جاعدايلار دەپارتامەنتى اۋا رايىنا بايلانىستى ەسكەرتۋ جاريالادى، دەپ حابارلايدى Egemen.kz.

«قازگيدرومەت» كاسىپورنىنىڭ مالىمەتىنشە، 7 شىلدە كۇنى الماتىدا سىناپ باعاناسى 36-38 گرادۋسقا دەيىن كوتەرىلەدى. كۇن قاتتى ىستىق بولۋى ىقتيمال. وسىعان بايلانىستى الماتى قالاسى تج دەپارتامەنتى تومەندەگى قاۋىپسىزدىك شارالارىن ساقتاۋدى ۇسىنادى:

- كۇن ساۋلەسى تىكەلەي تۇسەتىن جەرلەردە مۇمكىندىگىنشە از بولۋعا تىرىسىڭىز. ەسىڭىزدە بولسىن، ساعات 12:00-دەن 16:00-گە دەيىنگى ۋاقىتتا كۇننىڭ ساۋلەسى بەلسەندى بولادى. دەنەنى كۇن ساۋلەسىنەن قورعاپ، جابىق كيىم كيۋگە تىرىسىڭىز جانە كۇننەن قورعايتىن سىقپا مايلار قولدانىڭىز; - الكوگولدى ىشىمدىك ىشپەڭىز – الكوگول ىستىقتا اعزاعا تەز اسەر ەتەدى جانە دەنە جوعارى تەمپەراتۋراعا سەزىمتال بولادى;

- سۇيىقتىقتى (سالقىنداتىلعان سۋ، مينەرالدى سۋ) مۇمكىندىگىنشە كوپ ىشۋگە تىرىسىڭىز; دەنەگە سالماق تۇسىرمەڭىز. كۇشتى جۇكتەمە ىستىقتا جىلۋ الماسۋدى ارتتىرادى دا اعزانى سۋسىزدانۋعا اكەلىپ سوقتىرادى;

-اۆتو كولىكتەرمەن ۇزاق ساپارلاردى شەكتەۋىڭىز كەرەك، ەگەر بۇل مۇمكىن بولماسا، جولدا مۇمكىندىگىنشە اباي بولىڭىز، سەبەبى، قاتتى ىستىقتان كوڭىل كۇي تومەندەپ ادام ءوزىن ءوزى ناشار سەزىنۋى مۇمكىن جانە رەاكتسيا تومەندەيدى.

- ەگەر ءسىز توتەنشە جاعدايعا تاپ بولساڭىز جانە ءسىزدىڭ ومىرىڭىزگە قاۋىپ تونگەندەي جاعداي بولسا، «112»، «101» بىرىڭعاي قۇتقارۋ قىزمەتىنە قوڭىراۋ شالىڭىز (قوڭىراۋ شالۋ تەگىن).

-ىستىق اۋا رايى، اسىرەسە جۇرەك-قان تامىرلارى اۋرۋلارىمەن، ارتەريالىق گيپەرتەنزيامەن اۋىراتىن ادامدار ءۇشىن، سونداي-اق ينفاركت پەن ينسۋلت قاۋپى بار ادامدارعا وتە قاۋىپتى.

سوڭعى جاڭالىقتار

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار