ولاردىڭ ىشىندە «اقەركە-2», «جاستار-4», «تاليسمان», «ارىستان» جانە ت.ب. تۇرعىن ءۇي كەشەندەرى بار.
وسىلايشا, تاعى ءۇش مىڭ ۇلەسكەردىڭ قيىندىعى شەشىلدى. ولار كوپتەن كۇتكەن پاتەرىن الدى. قازىر تۇرعىندارعا پاتەرىنىڭ قۇجاتتارىن بەرۋ جانە باسقا دا قۇجاتتىق پروتسەدۋرالىق جۇمىستار جۇرگىزىلىپ جاتىر.
بۇگىن «اقەركە-2» تۇرعىن ءۇي كەشەنىنە باردىم. بۇل كوپپاتەرلى تۇرعىن ءۇي كەشەنىنىڭ قۇرىلىسى جىلدار بويى توقتاپ تۇردى, نىساندا ءتيىستى جۇمىستار جۇرگىزىلگەن جوق. تۇرعىن ءۇي كەشەنىنىڭ قاڭقاسى اياقتالىپ, تەرەزەلەر, ەسىكتەر, ليفتىلەر ورناتىلدى. جوبالىق-سمەتالىق قۇجاتتامانى دايىنداپ, ءۇيدىڭ قاسبەتى بويىنشا جۇمىستار جۇرگىزدىك. ۇلكەن پروبلەمالاردىڭ ءبىرى گاراجداردى بۇزۋ بولدى. گاراجداردى ساتىپ الۋ بويىنشا قاجەت جۇمىستار جۇرگىزىلدى, بۇل ينجەنەرلىك جەلىلەردى ۇيگە جەتكىزۋگە مۇمكىندىك بەردى. بۇل تۇرعىن ءۇي كەشەنىندە 150-دەن استام وتباسى بار.
مىسالى, ەلوردادا 2019 جىلدىڭ جازىندا قۇرىلىسى ۇزاقا سوزىلعان 150-دەن استام ءۇي بولدى. مەملەكەت باسشىسىنىڭ تاپسىرماسى نەگىزىندە قۇرىلىس جۇمىستارىن اياقتاۋ بويىنشا جۇيەلى جۇمىستار جۇرگىزۋدەمىز. 2019 جىلدىڭ جارتى جىلدىعىندا 13 كوپپاتەرلى تۇرعىن ءۇي كەشەنىن سالىپ, پايدالانۋعا بەردىك. وتكەن جىلى 20 ءۇي اياقتالدى.
بيىل ەلوردادا تاعى 57 پروبلەمالىق كوپپاتەرلى تۇرعىن ءۇي كەشەنىنىڭ قۇرىلىسىن اياقتاۋدى جوسپارلاپ وتىرمىز. بۇل 7 مىڭنان استام ۇلەسكەردىڭ ماسەلەسى شەشىلەدى دەگەن ءسوز.
ۇلەستىك قۇرىلىستىڭ ءاربىر نىسانى بويىنشا قادامدىق ءىس-شارالار جوسپارى بار.
