«قىمباتتى قازاقستاندىقتار, سىزدەردى ەلوردا كۇنىمەن قۇتتىقتايمىن! ءبىزدىڭ ەلوردامىز – نۇر-سۇلتان قالاسى ەلىمىزدىڭ تاۋەلسىزدىك جىلدارىنداعى وركەندەۋى مەن جەتىستىكتەرىنىڭ ايقىن كورىنىسى, قازاقستان حالقىنىڭ كۇش-قۋاتىنىڭ, ونىڭ ەرىك-جىگەرى مەن قيىندىقتاردى قايمىقپاي ەڭسەرىپ, الدىنا قويىلعان ماقساتتارعا قول جەتكىزە الۋىنىڭ ايعاعى.
قازاقستاننىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ تاريحي شەشىمىنىڭ, بارلىق قازاقستاندىقتاردىڭ كۇش-جىگەرى مەن ەڭبەگىنىڭ ارقاسىندا بۇگىنگى تاڭدا ەلوردامىز حالقىمىزدىڭ ماقتانىشىنا جانە قازاقستان ەكونوميكاسىنىڭ دامۋىنىڭ لوكوموتيۆىنە اينالدى.
بارلىق قازاقستاندىقتارعا مىقتى دەنساۋلىق, تاتۋلىق پەن يگىلىك تىلەيمىن!
