الەۋمەتتىك جوباعا كاسىپكەرلەر دەمەۋشىلىك جاسادى. ساباقتاردى كاسىبي شەبەر جۇرگىزەدى. وقۋشىلاردىڭ العاشقى بايقاۋعا ۇسىنعان جۇمىستارى كاسىبي مامانداردى تاڭ قالدىردى.
«مەن فوتو ءتۇسىرۋ ءىسى بويىنشا دارىستەردى بەرىپ كەلە جاتقانىما ۇزاق ۋاقىت بولدى. بالالار ءۇيىنىڭ تاربيەلەنۋشىلەرىنە ساباق بەرۋدى ۇسىنعاندا, مەن قۋانا كەلىستىم. تىلەك بىلدىرۋشىلەردى بىرىكتىرىپ, توپ جينادىق. ول 14-16 جاس ارالىعىنداعى توعىز ۇل مەن قىز. بالالاردىڭ ءار ءتۇرلى بولعانى وتە كەرەمەت. اركىمنىڭ ءوز كوزقاراسى, قالاۋى بار. جارتى جىلدىڭ ىشىندە ولار تەوريا مەن تاجىريبەدە كوپ نارسەنى ءتۇسىندى», دەدى مۇعالىم يرينا مايەر.
ونىڭ ايتۋىنشا, ءدارىس بەرۋ قاراپايىم دۇنيەدەن باستالدى, جابدىقتى تاڭداۋ جانە كامەرانىڭ پارامەترلەرى تۋرالى اڭگىمە جۇرگىزىلدى. سودان كەيىن كومپوزيتسيا, ءتۇس بويىنشا ساباقتار بولدى.
وقۋشىلار الەمدىك فوتوسۋرەتتىڭ تاريحىمەن تانىستىرىلدى. يدەيالاردى قالىپتاستىرۋ, شىعارماشىلىق ويلاۋ – وسىنداي ەرەكشەلىكتەر دە جاس فوتوگرافتارعا ۇيرەتىلدى. ەڭ باستىسى, ارينە, سۋرەتكە ءتۇسىرۋ جانە فوتوسۋرەتتەردى كومپيۋتەرلىك باعدارلامالاردىڭ كومەگىمەن وڭدەۋ بويىنشا تاجىريبەلىك ساباقتار. جارىقپەن جۇمىس ىستەۋ ساباقتارى ستۋديادا كاسىبي جابدىقتا ءوتتى.
«بالالار بايقاۋعا ءبىر اي بويى دايىندالدى. يدەيالاردىڭ بارلىعى بالالاردىڭ وزدەرىنە تيەسىلى. مەن جاي عانا ولاردى قالاي جۇزەگە اسىرۋ كەرەكتىگى بويىنشا كەڭەس بەردىم. وتە كەرەمەت بولدى. ءاربىر جۇمىستىڭ ءوز ماعىناسى بار: ءوز ءۇيىڭدى تاپقىڭ كەلەتىنى تۋرالى, ماحابباتتى باعالاۋ كەرەكتىگى. بەلگىسىز ەرتەگى الەمدەرى – سۋ استىندا جانە اي بەتىندەگى. پورترەتتەردە اۆتورلار وزدەرىنىڭ مودەلدەرىنىڭ نازىكتىگىن, سەزىمتالدىعىن بارىنشا جەتكىزدى», دەدى يرينا مايەر.
كونستانتين ماكاروۆتىڭ «سيقىرلى الەمدەرى» قازىلار القاسىننىڭ جۇرەگىن جاۋلاپ الدى.
اتالمىش جۇمىس ءبىرىنشى ورىن الدى. كوستيا فوتوسۋرەتتەردى مونتاجداۋ جانە جۋرنالدى رەتۋشينگ شەبەرلىگىن كورسەتتى. جۇمىستاردىڭ بىرىندە ول ايدان جەرگە ورالۋ تۋرالى ارماندارىنا ەركىندىك بەردى.
