دۆورتسەۆويلىق ۇستانىمدار

قازىر رەسەيدە (شىمكەنت وڭى­رىندە دۇ­نيەگە كەلگەن) تۇراتىن رەجيسسەر ارتىستەرگە شە­بەرلىگىن ءبولىسىپ، كينو تۇسىرۋدەگى «دۆور­تسەۆويلىق» ۇستانىمدارىن ايتتى. ماسەلەن، ول كينوكارتيناداعى ءار مەزگىلدى، ءار كەزەڭدى كۇتەدى. قار كەرەك بولسا، قىستى كۇتەدى. سونداي-اق اكتەرلەردىڭ دايىن بولعان ۋاقىتىندا عانا كينوعا كىرىسەدى. وسى تالاپتار ءۇشىن دە «ايكا» ءفيلمىن التى جىل تۇسىرگەن بولار...

دۆورتسەۆوي اكتەرلەرگە ستسە­ناريدى تو­لىعىمەن بەرمەيدى. اكتريسانىڭ ءوز ىشىنەن تۋىندايتىن ساتتەر – كينونىڭ شىنايى بولۋىنا اسەر ەتەدى. كەيدە، ءتىپتى سوڭىندا ستسەناري دە وزگەرىپ كەتۋى مۇمكىن.

تەاتر اكتريساسى گۇلدانا اب­دىسادىقوۆا لەكتسيادان ال­عان اسەرىن ءبولىسىپ، دۆور­تسە­ۆويدىڭ ارتىقشىلىقتارىن اتاپ ءوتتى. «باسقا رەجيسسەرلەرمەن سا­لىستىرعاندا كەزەڭ بويىنشا تۇسىرەتىنى ۇنادى. ويتكەنى بۇل دەگەنىڭىز، ەڭ الدىمەن جۇيە­لىلىك. ۋاقىتىن سوندىقتان دا ۇزاق العان. ماسەلەن، «تەاتردا قان­شاما وبرازدار، رولدەردى جاساي الۋىڭا مۇمكىندىگىڭ بار. گريممەن، كيىممەن كەلتىرە الاسىڭ. ال كينودا ونداي ەمەس. كينودا ساعان كەلەتىن رولدەر بولادى. كەيدە كەلمەيتىندەرى دە بولادى. ول ادامنىڭ موتيۆاتسيا­سىن، جاندۇنيەسىن كورۋگە بولادى. ول كامەرا الدىندا دەتالدى جۇمىستارمەن جۇمىس ىستەيدى. مىسالى، كامەرا الدىندا كوزىڭدى جۇمىپ قالعانىڭ، قولىڭمەن كوزىڭدى، بەتىڭدى ۇستاعانداردىڭ بارلىعى ءبىر ماعىنا بەرەدى. ال تەاتردا كوزىڭدى جۇمعان ساتتەر كورىنبەي قالۋى مۇمكىن، ويتكەنى ونىڭ كەڭىستىگى ۇلكەن. ال كاسىبي اكتەرلەر قايدا بولسا دا وي­ناي الادى. اكتەر تەاتردا كو­رەرمەنمەن ەنەرگيا الماسادى ءھام ولاردان قابىلدايدى، ال كينودا تىكەلەي كورەرمەندەرىڭ بول­ماعان سوڭ ونداي ەنەرگيانى ءوزىڭ جاساپ، وزىڭمەن ءوزىڭ ءومىر سۇ­رەسىڭ»، دەيدى دۆورتسەۆوي»، دەپ رە­جيسسەر ارتىستەردىڭ ونەرىن دە تا­ماشالاعانىن ايتتى.