ءورت جانگەلدى جانە اقتاس اۋىلدىق وكرۋگتەرىنىڭ اۋماعىندا اۋىزدىقتالىپ جاتىر.
ء«ورتتى سوندىرۋگە جەرگىلىكتى اتقارۋشى ورگانداردان, ەرىكتى ءورت ءسوندىرۋ قۇرامالارىنان, سونداي-اق تج دەپارتامەنتىنەن 87 تەحنيكا جانە 197 ادام جۇمىلدىرىلدى. قازىرگى ۋاقىتتا پيونەر اۋىلىنا قاۋىپ ءتونىپ تۇرعان جوق. ەلدىمەكەننەن 3-5 شاقىرىم قاشىقتىقتا جانۋ وشاقتارى بولدى. ولار ينجەنەرلىك تەحنيكانىڭ كومەگىمەن اۋىزدىقتالىپ, ءسوندىرىلدى», دەپ حابارلادى قاراعاندى وبلىسى تج دەپارتامەنتىنىڭ باستىعى پولكوۆنيك مۇرات قاتپانوۆ.
ەڭ كۇردەلى ۋچاسكەلەر – قىستاۋلارعا, فەرمەرلىك شارۋاشىلىقتارعا وت جاقىنداماس ءۇشىن جەدەل تۇردە وقشاۋلاندى جانە ءسوندىرىلدى. دەگەنمەن, جۇمىس ءالى دە جالعاسىپ جاتقان جەكە اۋماقتار بار. وقيعا ورىندارىنا قوسىمشا تجد قىزمەتكەرلەرى كەلەدى دەپ كۇتىلۋدە.
ولار ەڭ قيىن جەرلەرگە قويىلادى. جەرگىلىكتى اتقارۋشى ورگاندار ءورت ءسوندىرۋ بويىنشا بارلىق قاجەتتى شارالاردى قابىلداپ جاتىر. جالپى جاعداي باقىلاۋدا.
