وقيعا • 05 شىلدە، 2021

باتىس قازاقستاندا ءبىر كۇندە 5 ادام سۋعا كەتتى

69 رەت كورسەتىلدى

باتىس قازاقستان وبلىسىندا 4 شىلدە كۇنى 5 ادام سۋعا كەتتى. ونىڭ ۇشەۋى – كامەلەتكە تولماعان بالالار، دەپ حابارلايدى Egemen.kz.

باتىس قازاقستان وبلىسىنىڭ توتەنشە جاعدايلار دەپارتامەنتى دابىل قاعۋدا: سوڭعى كۇندەرى وڭىردە كۇن رايى قاتتى ىستىق بولىپ، حالىقتىڭ كوپشىلىگى سۋ جاعالاپ كەتتى. وكىنىشكە قاراي، ادامداردىڭ قاۋىپسىزدىك شارالارىن ەسكەرمەۋىنەن ورنى تولماس وقيعا دا كوبەيىپ تۇر. بيىلعى شۋعا شومىلۋ ماۋسىمى باستالعالى وڭىردە 18 ادام سۋعا كەتىپتى. ونىڭ 8-ءى – كامەلەتكە تولماعان بالا.

«وقىس وقيعالاردىڭ كوبى رۇقسات ەتىلمەگەن جەرگە سۋعا شومىلۋ سەبەبىنەن بولىپ جاتىر. قۇتقارۋشىلارى جوق، سۋ استى تولىق زەرتتەلمەگەن وزەن-كولدەرگە شومىلۋ سوڭى وسىنداي قايعىلى قازاعا سوقتىرىپ تۇر. سوندىقتان رۇقسات ەتىلگەن جەرلەردە جانە ارنايى جاعاجايلاردا عانا شومىلىڭىزدار! سۋعا شومىلۋعا رۇقسات ەتىلمەگەن بەلگىلەرى بار جەردە سۋعا تۇسپەڭىزدەر! ەسكەرتۋلەرى بار بەلگىلەردەن اسىپ جۇزبەڭىزدەر! كۇن كوزىنە قاتتى قىزدىرىنىپ، بىردەن سۋعا سەكىرمەڭىز! ماس كۇيىندە شومىلۋعا، قوپاعا قاراي جۇزۋگە بولمايدى» دەيدى باتىس قازاقستان وبلىستىق توتەنشە جاعدايلار دەپارتامەنتى توتەنشە جاعدايلاردىڭ الدىن الۋ باسقارماسىنىڭ باس مامانى نۇرالى مۋسيەۆ.

4 ماۋسىم كۇنى بولعان ەكى وقيعادان 5 ادام قازا تاپقان. ونىڭ ءبىرى ورال قالاسى اۋماعىندا، وردا كوشەسىنىڭ جايىق وزەنىنە تىرەلگەن ماڭىندا بولعان. وزەندە شومىلىپ جۇرگەن قىز بالا كەنەتتەن سۋ استىنداعى قازان شۇڭقىرعا تاپ بولىپ، باتىپ كەتكەن. ونى قۇتقارام دەپ ۇمتىلعان اكەسى دە قازا تاۋىپتى.

ال ەكىنشى وقيعا ءبورلى اۋدانىنا قاراستى جارسۋات اۋىلىندا بولعان. بۇل ەلدىمەكەن دە جايىق وزەنىنىڭ جاعاسىندا ورنالاسقان. قايعىلى جاعدايدىڭ ءدال قالاي بولعانى بەلگىسىز، سۋعا كەتكەن اناسى مەن ەكى بالاسى وزەن جاعاسىنان تابىلعان.

«سۋعا تەك ءجۇزۋ بىلمەيتىندەر، جاس بالالار باتىپ كەتەدى دەۋگە بولمايدى. بيىل 27 مامىر كۇنى تەرەكتى اۋدانىنداعى «ۋلىكولدە» جاس جىگىت سۋعا كەتتى. ول اسكەري بورىشىن تەڭىز فلوتىندا وتەگەن، تەڭىز جاياۋ اسكەرى ساربازى بولاتىن. سوندىقتان «وت پەن سۋ – ءتىلسىز جاۋ» دەگەن قازاق ناقىلىن ەسكەرىپ، اسا ساق بولۋ كەرەك» دەيدى وبلىستىق دەپارتامەنت باستىعىنىڭ ورىنباسارى پودپولكوۆنيك ارمان توقانوۆ.

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار