قىسقا مەرزىمدى تەڭگەلىك دەپوزيتتەر بويىنشا ۇسىنىلعان ماكسيمالدى مولشەرلەمەلەر وزگەرگەن جوق. ويتكەنى قازاقستاننىڭ ۇلتتىق بانكىنىڭ بازالىق مولشەرلەمەسى ماۋسىم ايىندا 9 پايىز دەڭگەيىندە ساقتالدى. ەسكە سالامىز, مۇنداي دەپوزيتتەر بويىنشا شەكتى مولشەرلەمەلەردىڭ كولەمى بازالىق مولشەرلەمەگە تىكەلەي تاۋەلدى.
ءبىر نەمەسە ەكى جىلعا ايعا ارنالعان مەرزىمدى سالىمدار جانە 24 ايعا ارنالعان جيناق سالىمدار بويىنشا ماكسيمالدى مولشەرلەمەلەر دە بۇرىنعى دەڭگەيىندە قالدى. بۇعان دەپوزيت نارىعىنىڭ وسى سەگمەنتىندە بەلسەندىلىكتىڭ تومەندىگى سەبەپ بولدى. ال 12 ايعا ارنالعان جيناق دەپوزيتتەر بويىنشا ورتاشا ولشەمدى نارىقتىق مولشەرلەمەلەر تومەندەگەندىكتەن, وسى دەپوزيتتەرگە تيەسىلى شەكتى مولشەرلەمە 13,9 پايىزعا دەيىن ازايىپتى.
قور وكىلدەرى اتالمىش دەپوزيتتەر بويىنشا مولشەرلەمەلەر دەپوزيتتەردىڭ باسقا تۇرلەرى اراسىندا ءالى دە ەڭ جوعارى دەڭگەيدە بولىپ قالا بەرەتىنىن ايتىپ وتىر.
