ءبىلىم • 04 شىلدە، 2021

57 مىڭنان اسا تالاپكەر شەكتى بالل جيناي المادى

78 رەت كورسەتىلدى

 

ەلىمىزدە ۇلتتىق بىرىڭعاي تەستىلەۋ بيىل العاش رەت ەلەكتروندى فورماتتا ءوتتى. ۇبت-نى وسى جولى 145 مىڭنان اسا تالاپكەر تاپسىردى. ولاردىڭ 60 پايىزى، ياعني 88 مىڭنان كوبى شەكتى بالل جينادى. تەستىلەۋ توڭىرەگىندەگى وسى جانە وزگە دە ماڭىزدى جاڭالىقتار ورتالىق كوممۋنيكاتسيالار قىزمەتىندە وتكەن بريفينگتە ايتىلدى.

ءبىلىم جانە عىلىم مينيس­ترلىگىنىڭ دەرەگىنە سۇيەنسەك، تەست تاپسىرۋشىلاردىڭ 57 187-ءسى نەمەسە 39،4%-ى شەكتى بالل الا الماعان. ەڭ جوعارى 140 بالدى پاۆلودار قالاسىنىڭ تالاپكەرى جينادى. 1923 وقۋعا ءتۇسۋشى 120 بالدان جوعارى ناتيجەگە قول جەتكىزدى. ۇبت-نى 109 693 نەمەسە 75،5% تۇلەك قازاق تىلىندە، 35 245 نەمەسە 24،3% ورىس تىلىندە تاپسىردى. ۇبت-نىڭ ورتاشا بالى 69،08 بالدى قۇرادى، بۇل وتكەن جىلدىڭ كورسەتكىشىنەن 5 بالعا جوعارى.

اتالعان ۆەدومستۆو جانىنداعى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويباەۆ:

– ەلىمىزدە ۇبت تۇڭعىش رەت «1 كومپيۋتەر – 1 كامەرا – 1 تەست تاپسىرۋشى» قاعيداتى بويىنشا 51 پۋنكتتە ەلەكتروندى فورماتتا ءوتتى. بيىلعى تەست تاپسىرۋشىنىڭ ماڭىزدى ارتىقشىلىعى – ونى تاپسىرۋعا ەكى مۇمكىندىك بەرىلىپ، تەست تاپسىرۋشىنىڭ ەڭ جاقسى ناتيجەنى گرانت يەلەنۋ ءۇشىن كون­كۋرسقا جولداي الاتىنىندا. سونىمەن قاتار تەستىلەۋدى تاپ­سىرۋدىڭ اشىقتىعىن قامتا­ماسىز ەتەدى. ءبىز نۇسقالار مەن دۇرىس جاۋاپتار كودتارىنىڭ بىرە­گەيلىگىن ويلاستىردىق. ياعني ءار نۇسقا كەزدەيسوق تاڭداۋ ارقىلى ءوتىنىش بەرۋشى قوسىمشادا رۇقسات العان كەزدە جاسالادى. بۇل تەست نۇسقالارى قايتالانۋىنىڭ ال­دىن الىپ، دۇرىس جاۋاپتار كودتارىنىڭ سايكەس كەلۋ ىقتي­مال­دىعىن دا جويدى. جانە تۇلەك­تەر ۇبت-نى بۇرىنعىداي ءبىر اپتانىڭ كولە­مىندە ەمەس، ەكى ايدان اسا ۋاقىتتىڭ ىشىندە تاپسىرا الادى، – دەدى.

ۆەدومستۆو وكىلىنىڭ ايتۋىنشا، جالپى ەكى جىلدىق اپروباتسيا بارىسىندا (الدىمەن پەداگوگتەردى، سودان سوڭ ماگيستراتۋراعا تۇسۋ­شىلەردى جانە سودان كەيىن عانا مەكتەپ وقۋشىلارىن ەلەك­ترون­دى تەستىلەۋگە اۋىستىردى) ەلەك­تروندى تەستىلەۋ جەتىل­دىرىل­گەن. بۇل فورماتتىڭ قاعاز تۇرىن­دەگى تەستىلەۋدەن مىناداي ارتىق­شىلىقتارى بار: تالاپكەر تەستىلەۋ كۇنى مەن ورنىن ءوزى تاڭدايدى; تەستىلەۋ ۋاقىتىن (جاۋا­پ پاراعىن بوياۋعا ۋاقىت قۇرتپاي) ۇنەمدەۋ; الدىڭعى تەست تاپسىرمالارىندا تاڭدالعان جاۋاپتاردى قايتا وزگەرتۋ مۇمكىندىگى; تەستىلەۋ ناتي­جەلەرىن وڭدەۋ كەزىندە كەز­دەسەتىن قاتەلەردى بولدىرماۋ، ياعني جاۋاپ پاراعىندا بويالعان نەمەسە جارتىلاي بويالعان جاۋاپتاردى سكانەردىڭ دۇرىس وقىماۋى، جاۋاپ پاراعىن تولتىرۋ بارىسىندا باسقا سەكتورلاردىڭ بويالىپ كەتۋى جانە ت.ب; تەستىلەنۋشى قاتە تول­تىرىلعان دەرەكتەرىن وزگەرتۋگە، سونداي-اق تاپسىرۋ ءتىلىن، پاندەرىن اۋىستىرۋعا مۇمكىندىگى بار; تەس­تىلەۋ ناتيجەلەرى اياقتالعاننان كەيىن بىردەن سول جەردە، سونىمەن قاتار جەكە كابينەتتە كورسەتىلەدى; تەستىلەۋ اياقتالعاننان كەيىن 30 مينۋت ىشىندە اپەللياتسياعا بەرۋگە بولادى; بەيناباقىلاۋ كامەرالارى ارقىلى ءبارى باقىلاۋدا; كالكۋلياتور، مەرزىمدى كەستەلەر جانە تۇزداردىڭ ەرىگىشتىگى كومپيۋتەردە ورناتىلعان. بۇدان بولەك كومپيۋتەردەن كوز المايتىن جانە مۇمكىندىگى شەكتەۋلى تالاپكەرلەرگە جاعداي جاساۋ دا قاراستىرىلعان.

– كومپيۋتەردەگى تەستىلەۋ ەرەكشە نازار اۋدارۋدى قاجەت ەتەتىنىن ءتۇسىنىپ جانە كورۋ قابىلە­تىنە اسەر ەتۋى مۇمكىن 4 ساعاتتىق جۇكتەمەنى ەسكەرىپ، ءبىز ءۇش ءۇزىلىستى قاراستىردىق: ءبىرىنشىسى 2 مينۋت – تەستىلەۋ باستالعاننان 1 ساعات وتكەن سوڭ (كوزگە ارنالعان جات­تىعۋلار مەن دەنەشىنىقتىرۋ جاتتىعۋلارىن ورىنداۋ ءۇشىن)، ەكىن­شىسى 2 ساعاتتان كەيىن – 15 مينۋت جانە ءۇشىنشىسى 3 ساعاتتان كەيىن – 2 مينۋت. ءبىلىم بەرۋدە ەرەكشە قاجەتتىلىكتەرى بار بالا­لار­عا دا جاعداي جاسالدى. ۇبت-عا مۇم­كىندىگى شەكتەۋلى 90 بالا قاتىستى. ولارعا اۋديتوريالار مەن جەكە كومەكشىلەر ۇيىمداستىرىلدى، – دەدى ءا.تويباەۆ.

مينيسترلىكتىڭ مالىمدەۋىنشە، سوڭعى ناتيجەلەر تامىز ايىندا دايىن بولادى. قولدانىستاعى ەرەجەلەرگە سايكەس بارلىق بەينەجازبالار وسى جىلدىڭ 25 تامىزىنا دەيىن تالدانىپ، تىيىم سالىنعان زاتتاردى پايدالانۋ انىقتالعان جاعدايدا، تاپسىرۋشى بالىمەن قوسا ءبىلىم بەرۋ گرانتىن تاعايىنداۋ كونكۋرسىنىڭ ناتيجەسى دە جويىلادى. بىلتىر بەينەجازبالار بويىنشا تالداۋ جۇرگىزىلىپ، 152 تالاپكەردىڭ، ونىڭ ىشىندە 100 گرانت يەگەرىنىڭ ناتيجەسى جويىلعان ەدى. ۇبت تا­لاپ­تارىنا قاتىستى ۇلتتىق تەس­­تىلەۋ ورتا­لىعى ديرەكتورىنىڭ مىن­دەتىن اتقارۋشى ناۋجان دي­داربەكوۆا:

– بيىلعى تەستىلەۋ كەزىندە ەرە­جەلەردى بۇزعانى ءۇشىن 1 305 ادام اۋديتوريادان شىعارىلىپ، ناتيجەلەرى جويىلدى. سونىمەن بىرگە ءبىز بارلىق بەينەجازباعا تالداۋ جاسايمىز. بۇل ءۇشىن تاعى ەكى اي بار. ەگەر تىيىم سا­لىنعان زاتتاردى پايدالانۋ فاك­تىلەرى انىقتالسا، تالاپكەر ءبىلىم بەرۋ گرانتىنان ايىرىلادى. بىلتىر بۇل نورمانى العاش رەت ەنگىزدىك، سوندا 100-دەن اسا تۇلەك گرانتتان ايىرىلدى. ۇبت-عا دايىندىق جانە تاپسىرۋ بارىسىندا ءبىز تالاپكەرلەردى بىر­نەشە رەت اكادەميالىق ادال­دىققا شاقىردىق. الەمدىك تاجى­ريبەدە، ەرەجە بۇزۋشىلارعا قا­تىستى ودان دا قاتاڭ شارالار قولدانىلادى. ويتكەنى بولاشاقتا مۇنداي ماماندار حالىقتى ەمدەپ، بالالارىمىزعا ءبىلىم بەرەدى، – دەدى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار