ەكونوميكا • 03 شىلدە، 2021

بەنزيننىڭ الەمدىك باعاسى 11 پايىزعا ارزاندادى

49 رەت كورسەتىلدى

2020 جىلى الەمدەگى بەنزيننىڭ ورتاشا باعاسى ليترىنە 0،81 دوللار بولدى. بۇل 2019 جىلمەن سالىستىرعاندا 11 پايىزعا ارزان. بۇل تۋرالى حالىقارالىق ەنەرگەتيكا اگەنتتىگىنىڭ (حەا) ساراپشىلارى ايتتى، دەپ حابارلايدى Egemen.kz.

حەا مالىمەتى بويىنشا، باعانىڭ تومەندەۋى COVID-19 پاندەمياسىنا بايلانىستى 2020 جىلدىڭ ءبىرىنشى جارتىسىندا مۇنايدىڭ ارزانداۋىنا بايلانىستى بولعان.

2019 جىلدان باستاپ ارزان جانە قىمبات باعا كوشباسشىلارى وزگەرگەن جوق. گونكونگتا ەڭ قىمبات بەنزين ليترىنە 2،01 دوللارعا ساتىلدى، ال ەڭ ارزان بەنزين يراندا ءالى دە بار-جوعى 0،32 دوللار تۇرادى.

«مۇنداي ايىرماشىلىقتى تۇسىندىرەتىن بىرنەشە فاكتور بار. بىراق يران مۇناي ەكسپورتتاۋشى، ال گونكونگ يمپورتتاۋشى، سۇرانىس پەن سالىق جوعارى»، دەپ جازادى حەا سراپشىلارى.

جالپى العاندا، بەنزين باعاسى مۇناي باعاسىمەن بايلانىستى. بىراق وڭدەۋ، تاسىمالداۋ، ماركەتينگ شىعىندارى، سونداي-اق سالىقتار بەنزيندى مۇنايعا قاراعاندا ەداۋىر قىمباتتاتادى، دەيدى ساراپشىلار. سونىمەن قاتار كەيبىر ەلدەردە وتىن باعاسىن قاتاڭ رەتتەۋگە بايلانىستى مۇنداي كوررەلياتسيا جوق.

بىلتىر رەسەيدە بەنزين باعاسى ورتاشا دەڭگەيدەن تومەن بولعان - 0،64 دوللار، ال 2019 جىلى ول 0،7 دوللار بولدى. سالىستىرۋ ءۇشىن: اقش-تا 2020 جىلى ءبىر ليتر بەنزين 0،68 دوللار، بەلارۋسسيادا – 0،72 دوللار، ال ۋكراينادا - 0،89 دوللار بولعان.

ەڭ قىمبات بەنزين باتىس جانە سولتۇستىك ەۋروپا ەلدەرىندە ساتىلدى: گەرمانيادا - 1،48 دوللار، نورۆەگيادا - 1،56، يتاليادا - 1،63 جانە فينليانديادا - 1،71 دوللار.

سوڭعى جاڭالىقتار

ۇقساس جاڭالىقتار