ايماقتار • 02 شىلدە، 2021

سولتۇستىك قازاقستاننىڭ 18 اۋىلىنا اۋىز سۋ جەتتى

25 رەت كورسەتىلدى

كەشە سولتۇستىك قازاقستان وبلىسىنىڭ 18 اۋىلى كوپتەن كۇتكەن قۋانىشقا كەنەلدى. ون ءبىر مىڭ تۇرعىنى بار وسى اۋىلدارعا تازا اۋىز سۋى جەتتى، دەپ حابارلايدى Egemen.kz.

سونىڭ ىشىندە ەسىل اۋدانىنداعى قازىرگى ەڭ ۇلكەن قازاق اۋىلى – تاۋاعاش تا قۋانىشقا كەنەلگەندەردىڭ ءبىرى بولدى. بۇل اۋىلدى پرەسنوۆ توپتىق جۇيەسىنە قوسۋ وسىدان 3 جىل بۇرىن شەشىلىپ، اۋىلدىڭ شەتىنە اقشاڭقان عيماراتى دا تۇرعىزىلعان ەدى. الايدا سۋ جەتكىزۋ كاسىپورنىنداعى كەلەڭسىزدىكتەر، داۋ-دامايلار جوبانى تولىق ىسكە اسىرىلماعان. بۇرىنعى اۋدان اكىمى تالاي رەت ۋادە بەرسە دە اۋىلعا سۋ جەتكىزۋدى شەشە الماعان. بۇل ماسەلەنى ءبىز تالاي رەت جازدىق تا. ەندى سول ماسەلە شەشىلىپ، وبلىس اكىمى قۇمار اقساقالوۆتىڭ ءوزى اۋىلعا بارىپ، سۋ جەتكىزۋ جۇيەسىن ءوز قولىمەن اشتى. 

«بۇگىن جامبىل، ەسىل جانە مامليۋت اۋداندارىندا 11 مىڭ تۇرعىنى بار 18 اۋىلعا سۋ كەلدى. پرەسنوۆ توپتىق سۋ قۇبىرىنىڭ ەكىنشى كەزەڭى ىسكە قوسىلدى. 8 ەلدى مەكەنگە تاراتۋ جەلىلەرىن جۇرگىزدىك»، دەپ جازدى ءوڭىر اكىمى الەۋمەتتىك جەلىدەگى پاراقشاسىندا.

ال كەلەسى كەزەڭدە - پرەسنوۆ توپتىق سۋ جۇيەسىنە 15 اۋىل قوسىلادى، وندا 20 مىڭ ادام تۇرادى. جوبا 2 كەزەڭگە بولىنگەن: ءبىرىنشىسى بويىنشا جىل سوڭىنا دەيىن 7 اۋىل قوسىلادى. ەكىنشى كەزەڭدە قالعان اۋىلدارعا 2022 جىلدىڭ اياعىنا دەيىن تارتىلادى.

وبلىستى الەۋمەتتىك-ەكونوميكالىق دامىتۋدىڭ ءىى كەشەندى جوسپارىنىڭ يگىلىگىن اۋىل تۇرعىندارى وسىلاي كورىپ جاتىر.  بۇل اۋىلدىقتاردىڭ كوڭىل-كۇيىن كوتەرىپ، ءومىر سۇرۋگە قۇشتارلىقتارىن ارتتىرارى ءسوزسىز.

بيىل سۋمەن جابدىقتاۋعا بولىنگەن سوما ەكى ەسەگە ءوسىپ، 11،4 ملرد تەڭگەگە جەتكەن. بولىنگەن قارجىعا 49 اۋىلدى سۋمەن قامتىلماق. بۇل 3 مىڭنان اسا وتباسى ۇيلەرىنە سۋ تارتادى دەگەن ءسوز. جىل سوڭىنا دەيىن اۋىل تۇرعىندارىنىڭ 83،5% ساپالى اۋىز سۋمەن قامتاماسىز ەتىلەدى. كەشەندى جوسپاردىڭ ارقاسىندا 2025 جىلعا دەيىن 78 اۋىل سۋ جۇيەسىنە قوسىلىپ، اۋىل تۇرعىندارىن قامتاماسىز ەتۋ - 100% بولادى.

 

سولتۇستىك قازاقستان وبلىسى

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار