رەسمي اشىلۋ ءراسىمى جىل سايىنعى Astana Finance Days كونفەرەنتسياسى اياسىندا ءوتتى. اشىلۋ سالتاناتىنا قازاقستان رەسپۋبليكاسى پرەزيدەنتىنىڭ كەڭەسشىسى سەر سۋما چاكرابارتي, قر ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى, احقو باسقارۋشىسى قايرات كەلىمبەتوۆ, قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين, دۇنيەجۇزىلىك ەكونوميكالىق فورۋمنىڭ پرەزيدەنتى بيورگە برەندە, دۇنيەجۇزىلىك ەكونوميكالىق فورۋمنىڭ ء4ور ورتالىعىنىڭ باسشىسى دجەرەمي يۋرگەنس, تۇركياداعى ء4ور اففيلدەنگەن ورتالىعىنىڭ باسشىسى ەفە ەردجانە جانە ەۋرازيالىق توپتىڭ كورپوراتيۆتىك يت ديرەكتورى ەركىن شنازباەۆ.
ءتورتىنشى ونەركاسىپتىك رەۆوليۋتسيا ء(4ور) جاساندى ينتەللەكت, روبوتوتەحنيكا, ءۇش ولشەمدى باسپا, نانوتەحنولوگيا, بيوتەحنولوگيا جانە باسقالارىن قوسا العاندا, كوپتەگەن سالالاردا تەحنولوگيالىق سەرپىنگە الىپ كەلدى.
دۇنيەجۇزىلىك ەكونوميكالىق فورۋمنىڭ ء4ور ورتالىعى وزىق عىلىم مەن تەحنولوگيالارمەن بايلانىستى پايدانى ارتتىرۋ جانە تاۋەكەلدەردى ازايتۋ ماقساتىندا يكەمدى جانە ادامعا باعدارلانعان پيلوتتىق جوبالاردى ازىرلەۋ, ىسكە اسىرۋ جانە جەتىلدىرۋ ءۇشىن ۇكىمەتتەردى, بيزنەس-ۇيىمداردى, سەرپىندى ستارتاپتاردى, ازاماتتىق قوعامدى, عىلىمي ورتانى جانە حالىقارالىق ۇيىمداردى بىرىكتىرەدى.
قازاقستان ۇكىمەتى مەن احقو قازاقستاننىڭ يننوۆاتسيالىق دامۋىنا جاڭا سەرپىن بەرەتىن وزىق تەحنولوگيالاردى ەنگىزۋ ءۇشىن قولايلى ورتا قۇرۋعا ۇمتىلادى. بۇعان قازاقستاندا ءتورتىنشى ونەركاسىپتىك رەۆوليۋتسيانىڭ اففيلدەنگەن ورتالىعىن قۇرۋ جونىندەگى باستاما دالەل.
ء«4ور اففيلدەنگەن ورتالىعى رەتتەۋشىلىك نورماتيۆتەردى دامىتۋ جانە يننوۆاتسيالىق جوبالاردى ىسكە اسىرۋ ءۇشىن ورتالىق ازيانىڭ مەملەكەتتىك قۇرىلىمدارىن, بيزنەس پەن يندۋستريالىق سەرىكتەستەردى بىرىكتىرەدى. حالىقارالىق ىنتىماقتاستىقتىڭ ارقاسىندا قازاقستاندىق بيزنەس-قوعامداستىق, سونداي-اق احقو قاتىسۋشىلارى دۇنيەجۇزىلىك ەكونوميكالىق فورۋمنىڭ قاتىسۋشىلارىمەن ىسكەرلىك ارىپتەستىك قارىم-قاتىناس ورناتىپ, دۇنيەجۇزىلىك ەكونوميكالىق فورۋمنىڭ جاھاندىق جەلىسىنىڭ ءبىر بولىگى بولا الادى», دەدى «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ.
قازاقستانداعى ء4ور ورتالىعى جاڭا تەحنولوگيالاردى ەنگىزۋ ءۇشىن زاڭنامالىق كەدەرگىلەردى ازايتۋ جانە ناقتى العىشارتتاردى جاساۋ جانە جاساندى ينتەللەكت, زاتتار ينتەرنەتى, روبوتوتەحنيكا, بلوكچەين سالالارىنداعى جانە باسقا دا وزەكتى باعىتتارداعى سالانىڭ الەمدىك كوشباسشىلارىمەن تەحنولوگيالىق سالالاردا ءتيىمدى ىنتىماقتاستىق قۇرۋ ماقساتىندا يننوۆاتسيالاردى رەتتەۋ تەتىكتەرىن, ساياساتىن, راسىمدەرىن جانە قاعيداتتارىن جەتىلدىرۋگە مۇمكىندىك بەرەدى.
«مەملەكەت نازار اۋدارۋى كەرەك ءۇش ماڭىزدى قۇراۋشى بار, سونىڭ ىشىندە جەتەكشى شەت ەلدەردىڭ تاجىريبەسىن قابىلداۋ جانە ونى ءىس جۇزىندە قولدانۋ. ءبىرىنشى كەزەكتە, بايلانىستىڭ ءتيىستى ينفراقۇرىلىمىن ورىستەتۋ قاجەت. «زاتتار ينتەرنەتى» ءۇشىن, وندىرىسكە روبوتتاندىرۋ مەن جاساندى ينتەللەكتتى ەنگىزۋ ءۇشىن ساپالى ينتەرنەت, مۇمكىن ءتىپتى 5G قاجەت. بۇل باعىتتا حالىقارالىق تاجىريبەنى پايدالانۋ ماڭىزدى.
ەكىنشىدەن, ءبىزدىڭ مىندەتتەرىمىزدىڭ ءبىرى – حالىقارالىق قوعامداستىقتىڭ قولداۋىن الۋ, وتاندىق كاسىپقويلاردى دايارلاۋ جانە قايتا دايارلاۋ سالاسىنداعى حالىقارالىق تاجىريبەنى پايدالانۋ. ءبىزدىڭ ماماندار «يندۋستريا 4.0»-گە كوشۋگە دايىن بولۋى كەرەك جانە داعدىلارى مەن قۇزىرەتتىلىكتەرىن جەتىلدىرۋى كەرەك. ۇشىنشىدەن, مەملەكەت تاراپىنان: سالىق جەڭىلدىكتەرى بولسىن نەمەسە بىرلەسكەن ينۆەستيتسيا بولسىن, ۋاجدەمە مەن ىنتالاندىرۋدىڭ بولۋى ماڭىزدى. ياعني, كاسىپورىندارعا قولايلى شارتتار ۇسىنۋ», دەدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين.
ء«تورتىنشى ونەركاسىپتىك رەۆوليۋتسيا ورتالىعىنىڭ جاھاندىق جەلىسىنە قوسىلا وتىرىپ, قازاقستان الەمگە ادامدارعا باعدارلانعان, ينكليۋزيۆتى جانە ءادىل قاعيداتتارمەن رەتتەلەتىن جاڭا تەحنولوگيالاردى ەنگىزەتىنىن جاريالاۋعا دايىن», دەدى دۇنيەجۇزىلىك ەكونوميكالىق فورۋمنىڭ پرەزيدەنتى بيورگە برەندە.
